غزه ده 14 مۆنگ 280-دن کؤپ چاغا اؤلدی
ایسرائیل فلسطینلی چاغا و زنانالاری اؤلدۆرمأگه دوُوام ادیأر
2119534
ایسرائیل ینگ قشونی غزه ده 2023-نجی ییلینگ 7-نجی اکتبریندان بأری ادیأن هۆجۆملرینده 14 مۆنگ 280-دن کؤپ فلسطینلی چاغانی اؤلدۆردی.
غزه دأکی فلسطین حؤکۆمتی نینگ مدیا قوراماسی ایسرائیل ینگ 170 گۆندن بأری غزأ هۆجۆم اتمأگه دوُوام ادیأندیگینی بیلدیدی.
بو قوراما 7-نجی اکتبردان بأری غزه ده ایسرائیل ینگ قشونی نینگ قوُراغسیز فلسطینلیلره، یؤنهکی یاشاییجیلارا، چاغالارا و زنانالارا 2 مۆنگ 848 گِزه ک قیرغینچیلیق ادندیگینی بیلدیردی.
ایسرائیل ینگ قشونی نینگ هۆجۆمینده آرادان چیقان فلسطینلیلرینگ سانی 32 مۆنگ 226 آداما یتدی.
شوُلاردان 14 مۆنگ 280-ی چاغا، 9 مۆنگ 340-ی بوَلسا زنانا.
شو واغت ییقیلان یرلرینگ آشاغیندا قالان و حابار آلینمایان 7 مۆنگدن کؤپ فلسطینلی بار.
ایسرائیل ینگ هۆجۆملرینده انه سینی، آتاسینی یا دا هر ایکیسینی ییتیرن چاغالارینگ سانی 17 مۆنگه یتدی.