علی خامنه‌ای: ایسرائیل پوشمان بوُلجاقدیر

ایران ینگ دینی یوُلباشچیسی آیت الله علی خامنه ای سوریأنینگ پایتاغتی دمشق ده ایران ینگ دیپلماتیک وکیلچیلیگینه هۆجۆم ادن ایسرائیل-ی پوشمان (پشیمان) اتجکدیکلرینی آیتدی.

خامنه ای ایران ینگ دمشق دأکی کنسولچیلیغینا ادیلن هوُوا هۆجۆمی بیلن باغلانشیقلی یازماچا بیانات بردی.

آرادان چیقانلارینگ ایران میللتینه آغیر ییتگی بوُلاندیغینی آیدان آیت الله خامنه ای ایسرائیل بیلن باغلانشیقلی "اوُلاری بو ادن جنایاتلاری و شونگا منگزه‌ش ادن جنایاتلاریندان پوشمان ادریس" دیدی.

ایران ینگ جمهورباشلیغی ابراهیم رئیسی ده یوردونینگ دمشق دأکی کنسولچیلیغینا ادیلن هۆجۆمی جوُغاپسیز قوُیماجاقدیغینی آیتدی.

رئیسی "صهیونیست رژیم دیره‌نیش توُپاری نینگ ساواشچیلاری نینگ اینانچ و ایغتیاریندان آلان ییتگیلری و باشارسیزنیقلیقلاریندان سوُنگرا اؤزلرینی حالاص اتمه ک اۆچین کؤر هۆجۆملر اتمأگه باشلادی" دیدی.

دۆین ایران ینگ آغدارلیشیغی قوُراییجیلار قشونی (سپاه) ایسرائیل ینگ دمشق ده ادن هۆجۆمینده ژنرال محمدرضا زاهدی و ژنرال هادی حاج رحیمی باشدا بوُلماق بیلن 7 ایرانلی نینگ آرادان چیقاندیغینی بیلدیریپدی.

ایسرائیل سوُنگقی آیلاردا سوریه ده نأچه گزه ک ایرانا دگیشلی یرلره و آداملارا هۆجۆم قوروپدی اِمما رسمی یاغدایدا شوُل هۆجۆملرینگ جوُغاپکأرلیگینی اؤز اۆستۆنه آلماپدی.