کریمه تاتارلارینینگ حقوقلاری یانگاداندان دیکِهلدیلدی
پوتین کریمهدأکی تاتارلارینگ وِ بیلهکی حالقلارینگ حقوقلارینی یانگاداندان دیکهلدیأن پـِرمانا قۇل چکدی
روسیانینگ جمهورباشلیغی ولادیمیر پوتین کرملینده روسیانینگ دؤولِت گنگهشینینگ مجلیسینی گچیردی.
فدراسیا گنگِهشینینگ، دؤولِت دوماسینینگ، فدراتیو سِبیتلرینگ وکیللری بیلن أهلی یرینه یتیریجی ارگانلارینگ یولباشچیلارینینگ قاتناشماغینداقی مجلیسه اؤزباشداقلیغینی ایغلان ادن کریمه جمهوریتینینگ واغتلایین جمهورباشلیغی سرگئی آکسیانوف ایلن سواستوپلینگ حأکیمی سرگئی منایلو ایلکینجی گزِهک قاتناشدی.
سرگی آکسیانوف یاریم آدادا اساسی قورلوشیق و أتیأچلرینگ مسئلهسینینگ بیرینجی یرده دوریاندیغینی آیتدی.
میللی تاسلامالار وِ دموگرافیک سیاساتلار باراسیندا پیکیر آلیشیلان ماصلاحاتدا پوتین "ایستالین دؤورۆنده سیاسی باسیشا سزهوِر بولان کریمه تاتارلارینینگ وِ کریمهده یاشایان بیلکی آزلیقلارینگ حقوقلارینینگ دیکِهلدیلمهگی باراسینداقی" پرمانا قۇل چکِهندیگینی آیتدی.
ولادیمیر پوتین "ایستالین دؤورۆنده سۆرگۆن ادیلن تاتار، آلمان، ارمنی وِ یونان آزلیقلارینینگ چکن ییتگیلرینی ایقرار ادیأریس" دییدی.
پوتین پرمانینگ کریمه یاریم آداسیندا یرلِهشیأن تاشلانیپ گیدیلن وِ اولانیلمایان کأبیر یرلرده ادیلجک جمغیتچیلیک وِ ایقدیصادی باشلانغیچلاری اؤز ایچینه آلیاندیغینی، شول یرلرینگ تأزهدن دیکِهلدیلمهگی، اؤسدۆریلمهگی اۆچین دؤولِت فۇلداوینینگ بریلجِکدیگینی نیغتادی.
دِگیشلی حابارلار
اؤزبگیستان دا دیری تاریح فیلملری چکیلر
میرضیایف "دیری تاریح" آدلی فیلملرینگ چکیلمه گی حاقیندا ماغلومات آلدی.