أردوُغان اؤزبگیستانا ساپار قورایار

تۆرکیأنینگ جمهورباشلیغی رسمی ساپار بیلن اؤزبگیستانا گیتدی.

اؤزبگیستان ینگ جمهورباشلیغی شوکت میرضیایف ینگ چاقیلیغی بیلن پایتاغت داشکنت ده بوُلان أردوُغان، ایکی گۆنلۆک رسمی ساپاریندا تۆرکیه- اؤزبگیستان ینگ یوُقاری درجه لی حیذماتداشلیق گِنگه شی نینگ ایکینجی ماصلاحاتینا دا قاتناشار.

تۆرکیه اؤزبگیستان ینگ قاراشسیزلیغینی قابول ادن و تانیان ایلکینجی یورت.

ایکی یورت دوُغانلیق و تاریحی قاتناشیقلاری بیلن بیله لیکده، سؤودا و تیجارت پوداغیندا دا آراقاتناشیغینی اؤسدۆریأر.

تۆرکیه 2021-نجی ییلدا اؤزبگیستان دا اینگ کؤپ شرکت قوران اۆلکه بوُلوپدی.

2016-نجی ییلدا ایکی یوردونگ آراسیندا 1.21 میلیارد دلار بوُلان سؤودا موقداری 2021-نجی ییلدا 3.64 میلیارد دلارا یتیریلدی.

اؤزبگیستان 2019-نجی ییلدا تۆرک دؤولتلری قوراماسینا آغضا بوُلوپدی.