تۆرکمنیستان بۆتین دۆنیأ سؤودا قوراماسینا قوُشولیار
قوراما گلوبال سؤودا قانونلارینی دۆزۆپ آغضا یورتلارینگ ایلالاشیپ بیلمه یأن مسئله لرینی چؤزگۆده قوُوشوریار
تۆرکمنیستان ینگ بۆتین دۆنیأ سؤودا قوراماسینا دوُلی حقوقلی قوُشولماغی باراداقی ایسلِه‌گی تاصصیقلاندی.
تۆرکمنیستان ینگ دؤولت داشاری ایقدیصادی ایش بانکی نینگ باشلیغی جبارووینگ یوُلباشچیلیغینداقی تۆرکمنیستان ینگ توُپاری بۆتین دۆنیأ سؤودا قوراماسی نینگ (سازمان تجارت جهانی) حالقارا سؤودا مرکزی و بیرلشن میللتلر قوراماسی نینگ اوروپا ایقدیصادی کمیسیونی نینگ وکیللری بیلن دوشوشدی.
گچیریلن دوشوشیقدا تۆرکمن توُپاری تۆرکمنیستان ینگ حؤکۆمتی نینگ بۆتین دۆنیأ سؤودا قوراماسی نینگ دوُلی حقوقلی آغضاسی بوُلماغینا برک ایسله‌گلیدی نیغتالدی.
دوشوشیقدا تۆرکمنیستان ینگ بو قوراما قوُشولماغی بیلن باغلی قاراییشلاری و باشلانغیچ ایلالاشیقلاری طایارلاماق اۆچین ایش مِیلناماسی نینگ دورموشا گچیریلمه گی نینگ مۆمکینچیلیگی آرا آلینیپ گِنگِه‌شیلدی.
آغزالان حالقارا قورامالارینگ وکیللری ده اؤز گِزه‌گینده تۆرکمنیستانا ایقدیصادی اؤزگِرتمه‌لری گچیرمه‌کده و بۆتین دۆنیأ سؤودا قوراماسینا قوُشولماقدا قوُشماچا کؤمِک برمأگه طایاردیقلارینی مألیم اتدیلر.
شیله ده بۆتین دۆنیأ سؤودا قوراماسی بو کؤمِگی برمه‌کده اوتغاشدیریجی اوُرون ایه لأپ بیلجکدیگینه اومیت بیلدیردی.
1995-نجی ییلینگ باشیندا قورلان بۆتین دۆنیأ سؤودا قوراماسی نینگ 164 آغضاسی بار.
بو قوراما گلوبال سؤودا قانونلارینی دۆزۆپ آغضا یورتلارینگ ایلالاشیپ بیلمه یأن مسئله لرینی چؤزگۆده قوُوشوریار.
بو قورامانینگ مرکزی اداراسی سوئیس ینگ ژنو شهرینده یر آلیار.
