قطرینگ امیری اؤزبگیستان‌دا

قطرینگ امیری شیخ تمیم بن حمد آل ثانی ایش ساپاری بیلن اؤزبگیستان ینگ پایتاغتی داشکنت شهرینه ساپار قوردی.

قطرینگ یوُلباشچیسینی اؤزبگیستان ینگ جمهورباشلیغی شوکت میرضیایف قارشیلادی.

ایکی یوُلباشچی اؤزآرا و توُپارآرا دوشوشیق گچیردی.

یوُلباشچیلار داشکنت ده پاراحوُرچیلیغا (رشوه) قارشی تیکیلن یأدیگأرلیگینگ آچیلیش داباراسینا دا قاتناشدی.

ایکی دؤولتینگ یوُلباشچیسی نینگ اؤزآرا و توُپارآرا دوشوشیغیندا یاشیل انرژی، صناغات، اکرانچیلیق، اساسی قورلوشیقلار، بانک و فاینانس، ساپاق بریش، ساغلیغی قوراییش و توریسم پوداقلاریندا حیذماتداشلیغینگ یوُقارلادیلماغی حاقیندا گِنگِه‌شیلدی.

ایکی یورت اوُرتاق حؤکۆمت‌آرا کمیسیونی و ایش گِنگه‌شی نینگ بیرینجی ماصلاحاتینی 2024-نجی ییلدا قطرینگ پایتاغتی دوحه ده گچیرر.