اؤزبگیستان دا روسیانینگ سیاساتچیسینا اولی قارشیلیق گؤرکِزیلیأر

اؤزبگیستان ینگ داشاری ایشلر وزیرلیگی روسیانینگ داشکنت دأکی ایلچیسینی وزیرلیگه چاغیریپ روس سیاساتچی زاهار پریلپین ینگ سؤزلری بارادا آنیقلاییش ایسله دی.

اؤزبگیستان ینگ داشاری ایشلر وزیرلیگی "عادالاتلی بیر روسیا- حاقیقات اۆچین" حزبی نینگ باشلیغی زاهار پریپلین ینگ سؤزلرینه قارشیلیق گؤرکِزدی و شیله بیلگِشله‌یین آیدیلان سؤزلرینگ ایکی یوردونگ آراقاتناشیقلارینا یاراماز تأثیر یتیرجکدیگی بیلدیردی.

وزیرلیک روسیانینگ اؤزبگیستان داقی ایلچیسینی چاغیردی و اوُندان جوُغاپ ایسله دی.

روسیانینگ ایلچیسی مالگینوف دا پریپلین ینگ "دوُست و قاراشسیز اؤزبگیستان" بیلن باغلانشیقلی سؤزلری نینگ روسیا دوُلانشیغی نینگ قاراییشی دألدیگینی آیتدی و روسیانینگ داشاری ایشلر وزیرلیگی نینگ قیسغا واغتدا مسئله بیلن باغلانشیقلی بیانات برجکدیگینی آیتدی.

اؤزبگیستان ینگ پارلمان وکیللری، داشاری ایشلر وزیرلیگیندن روسیا ایلچیلیگینه یازماچا دویدوریش ابیریلمه گینی ایسله دی.

روس سیاساتچی پریپلین مطبوغات گنگه شینده اؤزبگیستان و بیله کی قادیم شوروی جمهوریتلری نینگ روسیا باغلانماغینی تکلیپ ادیپدی.