قیرغیزیستان ینگ جمهورباشلیغی تۆرکیأنینگ داشاری ایشلر وزیرینی قابول اتدی

قیرغیزیستان ینگ جمهورباشلیغی صدر جباروف، رسمی ساپار بیلن بیشکک ده بوُلان تۆرکیأنینگ داشاری ایشلر وزیری هاکان فیدان-ی قابول اتدی.

جباروف فیدان بیلن دوشوشیغیندا اؤزآرا قاتناشیقلار بیلن بیله لیکده ساغلیغی قوُراییش، انرژی و فاینانس پوداغی و بؤلگه آرا حوُوپسوزلیق مسئله لری حاقیندا گنگه شدی.

دوشوشیقدا تۆرکیأنینگ جمهورباشلیغی رجب طیب أردوُغان ینگ قیرغیزیستانا اتجک رسمی ساپاری و بیشکک ده گچیریلجک یوُقاری درجه لی استراتژیک حیذماتداشلیق گنگه شی نینگ ماصلاحاتی حاقیندا گِنگه شیلدی.

جباروف قیرغیزیستان بیلن تۆرکیه آراسینداقی حیذماتداشلیغینگ گینگ گریملی اؤسدۆریلمه گی نینگ پتانسیللری اوغوردا ایش آلینماغینا بگنچ بیلدیردی.

سؤودا و ایقدیصادی حیذماتداشلیغا اۆنس چکن جباروف تۆرک- قیرغیز حؤکۆمت آرا کمیسیونی نینگ آنکارادا گچیریلجک ماصلاحاتی نینگ ایقدیصادیه ت گۆن ترتیبی نینگ قوُلدانماغی تایدان أهمیتلی بوُلاندیغینی یاتلاتدی.

هاکان فیدان بیشکک ده قیرغیز جمهوریتی نینگ مجلیسی نینگ باشلیغی نورلان بک شاکی یف تاراپیندان دا قابول ادیلدی.

شاکی یف بیلن فیدان اؤزآرا سیاسی- ایقدصادی و مدنی قاتناشیقلارینگ اؤسدۆریلمه گی بیلن باغلانیشیقلی ایکی یوردونگ پارلمانی نینگ بیله لیکده ایش آلیپ بارماغی حاقیندا گپلِه‌شدی.