الهام علی یف اوروپا و فرانسیانینگ آذربایجانا قارشی بوُلان توتومینی تانقیت اتدی

آذربایجان ینگ جمهورباشلیغی الهام علی یف، یوردونینگ اوروپا گنگه شی و اوروپا انسان حاقلاری قاضیه تی آغضالیغیندان چیقیپ بیلجکدیگینی آیتدی.

علی یف پارلمانلارآرا بیله له شیگینگ باشلیغی مارتین چونگونگ-ی پایتاغت باکودا قابول اتدی.

علی یف بو دوشوشیقدا اوروپا گنگه شی نینگ پارلمان مجلیسینده آذربایجانا قارشی دوشمانچیلیق ادیلیأندیگینی آیتدی.

شیله بیر توتومینگ بو قورامانینگ اساسلارینا تِرس بوُلاندیغینی آیدان علی یف "اگر اوروپا گنگه شی نینگ پارلمان مجلیسی آذربایجانلی وکیللرینگ حاقلارینی اوُلارا برمه سه، باکو اوروپا گنگه شی و اوروپا انسان حاقلاری قاضیه تی یالی یرلردأکی آغضالیغیندان چیقیپ بیلر" دیدی.

علی یف آذربایجانا قارشی ادیلیأن حرکتلره اۆنس چکدی و "بؤلگه ده ییقیجی سیاسات یؤره‌دیأن فرانسیا اوُدونگ اۆستۆنه بنزین دؤکمه ک ایسله یأر. بؤلگأمیزده دارتغینلیغینگ سبأبی بوُلان پاریس دۆرلی حالقارا قورامالار و پارلماندا آذربایجانا قارشی سیاسات آلیپ باریار. فرانسیا گۆن اوُرتا قفقازدا یوُلباشچی بوُلماغینگ ایزیندا. اِمما تأثیرینی گۆیچلندیرمه ک اۆچین ادن ایشلری نتیجه سیز قالیار" دیدی.