آذربایجان دا سایلاو بوُلدی

آذربایجان دا دۆین چهارشنبه گۆنی ایرکی جمهورباشلیقلیق سایلاوی بوُلدی.

سِس برنلر شو واغتقی جمهورباشلیق الهام علی یف بیلن بیله لیکده 7 دالاشگأردن بیرینه سس بردی.

یوردونگ سایلانان جمهورباشلیغی 7 ییل آذربایجان جمهوریتینی دوُلاندیرار.

سایلاو ساغات 8-ده باشلادی.

بو سایلاودا 6 میلیون 500 مۆنگ سایلاوچی سس بریپ بیلیأردی.

آذربایجان و بیله گی یورتلاردا 6 مۆنگ 500 صاندیق قورولدی.

آذربایجان ینگ ارمنیستان دان آزات ادن یرلرینده ده صاندیق قوُیولدی.

شیله لیک بیلن 30 ییل آرادان سوُنگرا بۆتین آذربایجان دان سایلاوا قاتناشیلدی.

قاراباغ ینگ سمبل شهری بوُلان شوشا شهرینده، بیر واغتلار آیرالیقچی ارمنی دوُلانشیغی نینگ پایتاغت دیه ن یری بوُلان خان کندی، حوُجالی، حوُجاوند، آق دره، آق دام، جبرائیل، فضولی، زنگیلان، قبادلی، لاچین و کلبجرده 22 مۆنگ آدام بو سایلاودا سس بریپ بیلیأردی.

داشاری یورتلاردا دا آذربایجان ینگ ایلچیحانالاریندا سس بریلدی.

بو سایلاوا 800 داشاری یورتلی و 90 مۆنگ یرلی سینچی سین اتدی.

200 ژورنالیست دا بو سایلاوی ایزارلایاردی.

سس بریلشیک ساغات 19-دا تاماملاندی.