اوُوغانیستان‌لی توُپار تۆرکمنیستانا ساپار قوردی
اوُوغانیستان تۆرکمنیستان ینگ گاز گچیریجی تورباسی نینگ چِکیلمه‌گینی ایسله‌یأر
اوُوغانیستان دا طالیبان دوُلانشیغی نینگ داشاری ایشلر وزیری امیرخان متقی تۆرکمنیستانلی اِگیندشی رشید مردووینگ چاقیلیغی بیلن آشغابادا ساپار قوردی.
متقی نینگ یانی بیلن اوُوغانیستان ینگ ماغانلار و نبیت وزیرلیگی، دمیریوُل اداراسی و الکتریک اداراسی برشنانینگ دا یوُلباشچیلاری تۆرکمنیستانا ساپار قوردی.
اوُوغان توُپار بو ساپاریندا تۆرکمنیستان بیلن اوُوغانیستان ینگ حیذماتداشلیغینی یوُقارلاتماق باراسیندا گِنگِه‌شدی.
موندان اوُزال 18-نجی دکابردا تۆرکمنیستان ینگ داشاری ایشلر وزیری رشید مردوف اوُوغانیستان ینگ هرات شهرینه گیدیپدی.
مردوف شوُل ساپاریندا امیرخان متقی بیلن، تاپی طبیغی گاز گچیریجی توربا پروژه سی نینگ آچیلیش داباراسینا قاتناشیپدی.
تۆرکمن وزیر 2021-نجی ییلدا دا طالیبان ینگ یوُلباشچیلاری بیلن دوشوشماق اۆچین کابل شهرینه گیدیپدی و محمد حسن آخوند و امیرخان متقی بیلن دوشوشیپدی.
ایکی یورت تۆرکمنیستان- اوُوغانیستان- پأکیستان- هیندیستان طبیغی گاز گچیریجی توربانینگ آچیلماغینی ایسله یأر.
بو توربا بیلن تۆرکمنیستان ینگ طبیغی گازی اوُوغانیستان، پأکیستان و هیندیستانا یتیرلر.
دِگیشلی حابارلار
اؤزبگیستان دا دیری تاریح فیلملری چکیلر
میرضیایف "دیری تاریح" آدلی فیلملرینگ چکیلمه گی حاقیندا ماغلومات آلدی.
