اؤزبگیستان بیلن تۆرکمنیستان ینگ آراسیندا ارکین سؤودا زوُلاغی دؤره‌دیلر

اؤزبگیستان ینگ خوارزم ولایاتی نینگ شبط شهرینده ارکین سؤودا زوُلاغی دؤره‌دیلر.

اؤزبگیستان ینگ جمهورباشلیغی شوکت میرضیایف خوارزم ولایاتی نینگ شبط شهرینده تۆرکمنیستان بیلن اؤزبگیستان ینگ اوُرتاق ارکین سؤودا زوُلاغی نینگ دؤره‌دیلمه گی بیلن باغلانشیقلی قارارا قوُل چکدی.

خوارزم ولایاتینا ایش ساپارینی قوران میرضیایف دورموشا گچیریلمه گی گؤز اؤنگۆنده توتولیان بیرنأچه تاسلاما بوُیونچا رسمی‌نامالارا قوُل چکدی.

اؤزبک یوُلباشچی ارکین سؤودا زوُلاغی نینگ دؤره‌دیلمه گی باراداقی قارارا دا قوُل چکدی.

بو ارکین سؤودا زوُلاغیندا دینگه تۆرکمنیستان دا و اؤزبگیستان دا اؤندۆریلن اؤنۆملر آلیجیلارا یتیرلر.

بو یردأکی گۆمرۆک قوللوقلاری دا "ارکین گۆمرۆک زوُلاغی" دۆزگۆنی بوُیونچا ایش آلیپ بارار.