شو ییل خیوه شهری اسلام دۆنیأسی نینگ توریسم مرکزی
اؤزبگیستان داقی خیوه شهری اؤزبک، تۆرکمن، قاراقالپاق و بیلهکی تۆرک حالقلاری نینگ اوُرتاق میراثی
شو ییل اؤزبگیستان ینگ خیوه شهری اسلام دۆنیأسی نینگ سیاحاتچیلیق (توریسم) مرکزی سایلاندی.
اسلام حیذماتداشلیق قوراماسی، خیوه شهری نینگ گۆوأناماسینی قوُوشوردی.
بو قوراما 2022-نجی ییلدا باکو شهرینده گچیریلن ییغناقدا خیوه شهرینی 2024-نجی ییلدا اسلام دۆنیأسی نینگ سیاحاتچیلیق مرکزی حؤکمۆنده سایلاپدی.
شو ییلینگ مه (مای) آییندا مسلمان اۆلکهلرینگ سیاحاتچیلیق وزیرلری خیوه شهرینده دوشوشار.
بو شهرده شو ییل خوارزم حانلاری ینگ طاغاملاری آدیندا آشچیلیق فستیوالی دا گچیریلر.
نویابر آییندا دا "زیاراتچیلیق توریسمی بوُیونچا حالقارا هپده سی" چأکلِرینده بو شهرده "خیوه اسلام مدنیتی نینگ توریسم مرکزی" آدیندا عیلمی- عامالی ماصلاحات گچیرلر.
خیوه شهری، تۆرک حالقلاری نینگ اوُرتاق تاریخینا و مدنیت میراثینا ایه بوُلان شهرلردن بیری.
بو شهر تاریح بوُیونچا اوُغوز تۆرکلری (تۆرکمن)، قارلوقلار (اؤزبکلر) و قیپچاق (قاراقالپاق) تۆرکلرینینگ بیلهلیکده یاشان شهریدیر.
بو شهر مِتجیت و دینی مدرسه یالی کؤپ سانلی اسلامی اثری بیلن تانالیار.
دِگیشلی حابارلار
اؤزبگیستان دا دیری تاریح فیلملری چکیلر
میرضیایف "دیری تاریح" آدلی فیلملرینگ چکیلمه گی حاقیندا ماغلومات آلدی.