تۆرکمن صونغاتچیلار آنکارانی جوُشدیردی

تۆرکمنیستان ینگ صونغاتچی توُپاری ماغتیم قولی پیراغی نینگ دوُغلان 300-نجی ییلی میناسیبتلی آنکارادا کنسرت بردی.

تۆرکیأنینگ جمهورباشلیقلیق سمفونی ارکستراسینداقی کنسرته کؤپ سانلی صونغات سؤیر قاتناشدی.

مایا اوُرازبردی‌یوا، میلیس قوُچ میرادوف، دؤولت میرات حان مأمدوف، دؤولت دانگ آتاروف، اسپارتاک آتاکوف و تۆرکمنیستان ینگ حالق صونغاتچیلاری گۆل‌شات قوردووا و آق محمد حانوف بو کنسرت ده آیدیم آیتدی و چیقیش اتدی.

تۆرکمن دؤولت مدنیت انستیتوسی نینگ میراث آدینداقی تانس توُپاری دا بو کنسرت ده اؤز هۆنأرینی گؤرکِزدی.

کنسرتینگ آلیپ باریجیسی یعقوب صحت مرادوف دا ماغتیم قولی دان قوُشغیلار اوُقیدی.

تۆرک سوُی قوراماسی نینگ باشلیغی کنسرت دن اوُزال برن بیاناتیندا تۆرکمنیستان ینگ میللی شاهیری ماغتیم قولی پیراغی نینگ تۆرک دۆنیأسیندأکی أهمیتینه اۆنس چکدی.

تۆرکمنیستان ینگ تۆرکیه دأکی ایلچیسی مکان ایشان قولی یف ده مدنیت چأره لری نینگ أهمیتینه اۆنس چکدی.