تۆرکیأنی تانایلینگ ۱: گؤبِکلی دپه

تۆرکیأنی تانایلینگ آدلی گپله شیگیمیزینگ ایلکینجی سانیندا سیزه گؤبِکلی دپه بارادا ماغلومات بریأریس.

یونسکونینگ دۆنیأنینگ مدنی میراث ساناویندا تۆرکیه دن ۱۸ میراث یر آلیار و گؤبِکلی دپه هم شۇلاردان بیریدیر.

گؤبِکلی دپه آرکئولوژیک میدانچاسی نینگ دۆنیأنینگ مدنی میراث ساناویندا آلینماغیندا تاریحینگ بیلینیأن اینگ اولی عیباداتحاناسی اولی رُل اۇینایار. ۱۲۰۰۰ ییللیق گچمیشی بۇلان شۇل اینانچ مرکزی نینگ أهمیتی ۱۹۹۴-نجی ییلدا باشلادیلان قازوو- آغتاریش ایشلری بیلن یۆزه چیقیپدی.

گؤبِکلی دپه گؤورۆمی ۳۰ متر بۇلان تِگه‌له‌ک بینالارینگ اۇرتاسیندا ایکی سانی T بیچیولی، ۵ متر بِلِنتلیگینده هِک داشیندان قورلان سۆتۆن یرله شیأر. گؤبِکلی دپه ده گۆن ایشیغینا چیقاریلماغینا قاراشیان باشغا عیباداتحانالارینگ هم باردیغی آنیقلاندی.

گؤبِکلی دپه آدامزادینگ شۇل دؤوۆردأکی دورموشی حاقینداقی ماغلوماتلارینگ یۆزه چیقماغی ماقصادی بیلن قازوو آغتاریش ایشلری دۇوام ادیأر.

گؤبِکلی دپه، تۆرکیأنینگ گۆن اۇرتا گۆن دۇغاریندا شانلی اورفا ولایاتی نینگ اؤرِنجیک اۇباسی نینگ قۇلاییندا یرله شیأر. هۇوا یادا قارا یۇلی بیلن شانلی اورفا ولایاتیندان باراندان سۇنگ ۱۸ کیلومتر داشدا یرله شیأن گؤبِکلی دپأ باریپ بیلرسینگیز.

پیغامبارلارینگ شأهِری حؤکمۆنده بیلینیأن شانلی اورفادا بالیقلی گؤلی گؤرمه‌گینگیزی، قالا چیقماغینگیزی، آرکئولوژیک اثرلرینگ سرگیله نیأن یری بۇلان موزه و حران اؤیلرینه باریپ گؤرمه‌گینگیزی و تاریحی یاپیق بازاردان سۇوغات آلماغینگیزی ماصلاحات بریأریس.

چیغ کؤفته دییلیأن شانلی اورفا دگیشلی طاغامدان دادیپ گؤرمه‌گی و میرّا قهوه سیندن ایچمه گی هم یاتدان چیقارمانگ.