تۆرکیأنینگ و دۆنیأنینگ گۆن ترتیبی ۴۸: بریتانیا و برگزیت
بریتانیا اوروپا بیلهلهشیگیندن چیقاندا نأمه لر بۇلار؟
سیاسات، ایقدیصادیهت و جمغیت غازناسی- ستانینگ عیلمی بارلاغچیسی، یازیجی جان آجون ینگ مسئله بۇیونچا سینینی اۇقایارسینگیز:
بریتانیانینگ حالقی ۲۰۱۶-نجی ییلینگ ایون آییندا گچیریلن رفراندومدا یوردونگ اوروپا بیلهلهشیگیندن چکیلمه گی بارادا قارار قابول اتدی. اوروپا بیلهلهشیگیندن چکیلمه ک نتیجه سی نینگ چیقماغیندان سۇنگ بریتانیانینگ حؤکۆمتی اوروپا بیلهلهشیگی و بیله له شیگینگ بیله کی ۲۷ آغضاسی بیلن گپله شیک گچیردی. کؤپ سانلی انگلیس وزیری نینگ وظیپه دن چکیلمه گینه سبأپ بۇلان تاپغیرینگ سۇنگوندا بریتانیا بیلن اوروپا بیلهلهشیگی نینگ آراسیندا ۶۰۰ صاحیپالیق ایلالاشیق قازانیلدی. ۲۵-نجی نۇیابردا تاراپلارینگ قابول ادن ایلالاشیق متنی دکابر آیی نینگ ۱۱-ینده بریتانیانینگ مجلیسینده تاصصیقلانار. انگلیس پارلمانیندا کؤپ سانلی حالق وکیلی ایلالاشیغی قابول اتمأندیگینی و سس برمهجکدیگینی بیان اتدی و ایلالاشیق اۆچین اساسی کؤپلۆگینگ سسی نینگ آلینماغینا حۇوپ آباندی.
بریتانیا اوروپا بیلهلهشیگیندن چکیلجه ک گۆنۆنه چنلی تاراپلارینگ آراسیندا ایلالاشیق قازانیلیپ، مجلیس تاراپیندان تاصصیقلانمان حالاتیندا بریتانیا اوروپا بیلهلهشیگیندن دارتغینلی آیریلجاق. اۇنونگ اؤنگۆنی آلماق اۆچین ترزا می یینگ باشلیقلیق اتمهگیندأکی انگلیس حؤکۆمتی بیلن اوروپا بیلهلهشیگی نینگ آراسیندا ایلالاشیلان متین مؤهۆم باشلانغیچ عمله گتیردی. اوروپا بیلهلهشیگینه آغضا یورتلار بریتانیادان آیریلیاندیقلارینا قینانیاندیغینی بیان ادیأن هم بۇلسا، ایلالاشیق قازانیلماغینگ راحاتلاندیراندیغینی نیغتادیلار. اساسا ندا بریتانینانینگ بیله له شیکدن چکیلمه گیندن سۇنگ باشغا یورتلارینگ هم چکیلمه گی نینگ اؤنگۆنی آلماق اۆچین بریتانیانینگ شرطسیز گؤرنۆشده اوروپا بیلهلهشیگی نینگ دؤرهدیأن مۆمکینچیلیکلریندن اساسان ماحروم ادیلمه گینه اۆنسلی چمهلهشندیکلری گؤرۆلیأر.
اوروپا بیلهلهشیگینه آغضا یورتلارینگ آراسیندا برگزیت ایلالاشیغینا اوزاق واغتلاپ قارشی دوران یورت اسپانیادی. اسپانیانینگ گۆن اۇرتاسینداقی جبل طارق بؤلگه سی نینگ یاغدایی اسپانیانینگ حؤکۆمتی نینگ وتو حۇوپونی یۆزه چیقاریپدی.
جبل الطارق ۱۷۱۳-نجی ییلدان بأری بریتانیا تابینلیغینا قارامازدان اسپانیانینگ حؤکۆمتی جبل الطارق بۇیونچا حاق طالابینی دۇوام اتدیریأر. برگزیت ایلالاشیغی نینگ ماددالاری نینگ آراسیندا سرحت گچیشلری نینگ کِسگیتلهنمهگی اسپانیا جبل الطارق تایدان تأثیر یتیرر. شۇل سبأپلی اسپانیا حؤکۆمتی اوروپا بیلهلهشیگی نینگ رسمیلرینه قارشیلیقلارینی بیان اتدیلر و جبل الطارق اۆچین ایسله یأن کِپیللهندیرمه لرینی آلاندان سۇنگ وتو حاقیندان پیدالانماقدان ال چکدیلر.
بریتانیانینگ اوروپا بیلهلهشیگیندن چیقماغی بیلن قوری یرده عمله گلجک بیله کی بیر سرحت بۇلسا ایرلند بیلن دمیرقازیق ایرلندینگ آراسیندا. ایکی بؤلگأنینگ آراسیندا برک گؤزهگچیلیکلی سرحدینگ بۇلماغینی ایسله مه یأن تاراپلار ۲۰۲۰-نجی ییلا چنلی گچیش دؤوری حؤکمۆنده قابول اتمه گی ایرلند اۆچین اؤزبۇلوشلی چؤزگۆت تاپماغی قابول اتدیلر. شۇل چأکده بریتانیا گچیش دؤورۆنده اوروپا بیلهلهشیگی نینگ گۆمرۆک بیله له شیگینه دگیشلی بۇلار اِمما اوروپا بیلهلهشیگینده سؤز حاقینا ایه بۇلماز.
بریتانیا بیلن اوروپا بیلهلهشیگی نینگ آراسینداقی برگزیت ایلالاشیغی انگلیس پارلمانی یالی بؤکدِنچلیگه سزه ور بۇلما أحتیمالینا ایه هم بۇلسا، عمومان بیرنأچه جهتدن ایلکینجی تجریبأنی عمله گتیریأر. باشغا بیر میثالی بۇلمادیق برگزیت ایلالاشیغی دینگه بیر بریتانیانینگ اوروپا بیلهلهشیگی بیلن دأل، شۇل بیر واغتدا اوروپا بیلهلهشیگینه دگیشلی بۇلمادیق یا دا بۇلوپ بیلمه دیک باشغا یورتلار اۆچین هم نوسغاوی حأصیته ایه بۇلوپ بیلر. شۇل نوقدای ناظاردان تۆرکیأنینگ و بالکان یورتلاری نینگ اوروپا بیلهلهشیگینه آغضالیق گپله شیکلری چیققینسیزلاشان حالاتیندا بریتانیا بیلن اوروپا بیلهلهشیگی نینگ آراسیندا قازانیلان ایلالاشیق نوسغاوی حأصیته ایه بۇلوپ اؤزبۇلوشلی حیذماتداشلیق دؤرهدیلیپ بیلنر.
بیله کی تاراپدان بۇلسا بریتانیانینگ اوروپا بیلهلهشیگیندن چیقماغی کؤپ سانلی ژئوسیاسی تأثیره ایه بۇلار. روسیانینگ گۆن دۇغار اوروپادا اوروپا بیلهلهشیگینه قارشی آلیپ باریان گؤرهشینده بریتانیا یالی گۆیچلی یوردی ییتیرن اوروپا بیلهلهشیگی اۇزالقیسینا گؤرأ عجیزلأر. شیله ده اوروپا قۇشونینینگ دؤرهدیلمه گی باراداقی سؤزلرینگ دۇوام ادیأن گۆنلرینده بریتانیا یالی اوروپانینگ اینگ بیر گۆیچلی حاربی قشونینا ایه بۇلان یوردونگ اوروپا بیله له شیگیندن چیقماغی اوروپا قشونی پیکری باراداقی آلادالاری هم ده شبهه لری گۆیچلهندیرر. بیله کی تاراپدان بریتانیانینگ اوروپا بیلهلهشیگیندن چکیلمه گی بیلن بیرلیکده اوروپاداقی گۆیچ دنگ آغراملیقلاری نینگ و آرقالاشیقلارینگ اۆیتگهمهگی مۆمکین. اوروپا بیلهلهشیگی بیر تاراپدان روسیا، آفریقا و تۆرکیأ قۇنگشی بۇلان بۇلسا، بریتانیانینگ چمیلکه گی بیلن دمیرقازیقدا تأزه بیر قۇنگشا ایه بۇلار.
سیاسات، ایقدیصادیهت و جمغیت غازناسی- ستانینگ عیلمی بارلاغچیسی، یازیجی جان آجون ینگ مسئله بۇیونچا سینینی اۇقادینگیز.