شو واغتقی زامانلار و رمضانلار
آنکارا ییلدیریم بیازیت بیلیم یوردونینگ سیاسی عیلیملار فاکولتهتی نینگ باشلیغی پروفسور قدرت بلبل ینگ یازغیسینی اۇقایارسینگیز
سؤزه حیتای قارغیشی بیلن باشلایلینگ "تأسین دؤوۆرلرده یاشاغین". حیتایلیلارینگ سؤزۆنینگ دۇلی ماغناسیندا نأمأنینگ گؤز اؤنگۆنده توتیاندیغینی بیله مۇق. اِمما أهلی زادا ایه بۇلان ماحالیندا دؤوره باپ آداملارینگ باشدان گچیریأن یالنگیزلیق و قیمماتسیزلیق چؤکگۆنلیگی دۇوام ادیأرقا تأسین زامانلار شیله بۇلسا گِرِهک.
آنکارا ییلدیریم بیازیت بیلیم یوردونینگ سیاسی عیلیملار فاکولتهتی نینگ باشلیغی پروفسور قدرت بلبل ینگ یازغیسینی اۇقایارسینگیز
گؤزگینی دؤورهبان آدام...
حاقیقاتدان هم دؤوره باپ زامانانینگ یالنگیز آدامی بیله کی جاندارلاردان حاص گؤزگین یاغدایدا. دؤوره باپ آدام طبیغاتا، دأپ – دسسورلارا، دینه، قیمماتلیقلارا، أهلی چأکلندیرمه لره قارشی دوروپ، دینگه عاقلی نینگ آلیان زاتلارینا لاییقلیقدا هامانا دیه رسینگیز تانگریلیغینی ایغلان ادنه منگزه یأر. عملی ذهین و بیله کی تاغاللالار بیلن اؤلۆمسیزلیک گؤزله گینی دۇوام اتدیریأر. اِمما یارادیلیشی الهی دأل، پانی (فانی) یاغنی اؤلۆملی.
تاریحینگ باشغا دؤورۆنده دؤوره باپ آدام یالی چأکسیز آرزوولاری سبأپلی بارلیقدا یۇقلوغی، محله لرینگ ایچینده یالنگیزلیغی، أهلی مۆمکینچیلیکلره قارامازدان چأره سیزلیگی شۇل بیر واغتدا باشدان گچیریأن باشغا بیر دؤوۆر بۇلدومیقا، بیله مۇق.
دؤوره باپ آدام... صارپ ادیجی جمغیتینگ قولی... طبیغاتی، قۇش- قۇلامی، قیمماتلیقلاری، قادالاری بیر گزه ک اولانیلجاق یاغدایا گتیریپ، صارپ ادیأن بارلیق.
دؤوره باپ آدامی أهلی زادی صارپ ادیأن من- منلیگیندن حالاص اتجک، سأگینیپ اوسسات نجیپ فاضل ینگ دییشی یالی "دورونگ محله، بو یۇلونگ سۇنگی یۇق/ قیغیرسام قۇللاری قایچی کیمین آچیپ" دیدیرجهک و تیترأپ اؤزۆنه گتیرجِک بیر واغت بؤله گی تاپیلمازمی دی؟ اؤزۆنی گؤزدن گچیرمأگه پورصات دؤرهتجِک بیر یؤرهلگأنی، بیر واغت بؤلهگی! ایسه م دینلرینگ ایدوئولوژیلارینگ، قاراییشلارینگ آراسیندا شیله یؤرهلگِه بار میقا؟ رمضان آیی شیله گؤزلهگینگ جۇغابی بۇلسا گره ک.
اۇرازانینگ آنگلادیان ماغنیسی
دؤوره باپ آدامی بو چؤکگۆنلیگیندن، من منلیگیندن و یالنگیزلیغیندان حالاص اتجک زات، دینگه اؤزی اۆچین یاشاماغی. أهلی زادی اؤز ذووقی- صاپاسی نینگ دادیملیغینا اؤوۆرمِزلیگی. رمضان أهلی ادنلری و اتمهدیکلری بیلن آداما اؤزۆنی سۇراغ اتدیرجک آی.
آدامزادینگ حأضیرکی واغتداقی اینگ اساسی مسئله سی؛ عادالاتسیزلیق، بؤلۆشمهزلیک و تاپاووتلیقلار بیلن بیله لیکده یاشاپ بیلمهزلیک بۇلسا گره ک. رمضان آیی أهلی کمچیلیکلری یکه لیکده دۆزهدیپ بیلجک آی.
اۇرازا توتماق بلکم اینگ آزیندان بِللی واغتلارینگ آرالیغیندا هیچ زات اییپ ایچمهزلیکدیر. حاص آرتیغی بدنی أهلی نیغماتلاردان ماحروم ادیپ، أهلی نیغماتلارینگ قادرینی بیلمهکلیکدیر.
اۇرازا آدامی صارپ ادیش قولچیلیغیندان حالاص ادیپ اۇنی آزات اتمه گینگ بیله کی بیر آدی.
اۇرازا آییندا آغیز بِکِهدیأن دینگه آش قازان دأل. دیل، آنگ، چمه له شمهلریمیز. أهلی بدنیمیزی اربِتلیکلردن صاپلایان آیدیر رمضان.
اۇرازا ایلکینجی نۇباتدا یۆره ک آراسساچیلیغفی. آچ گؤزلۆلیگینگ، دۇیماز دۇلمازلیغینگ درمانیدیر.
بؤلۆشمه گینگ و آسودالیغینگ آیی
اۇرازا دیللردن، قۇوملاردان، رنکلردن، ایدوئولوژیلاردان، دینلردن یۇقاردا دوریان جبیسلیک و آغزی بیرلیک آیی. اسلامینگ أهلی عمومیلیغی نینگ بلکم اینگ استِتیکی بیانیدیر. مسلمان جمغیتلرده بریلیأن عاداتی آغزآچاردا، قورولیان آغزآچار چادیرلاریندا آداما کیمدیگی سۇرالماز. یونس امرأنینگ سؤزی بیلن آیدیلاندا: "یارادیلان حۇش گؤرۆلر، یاراداندان اؤتری"
آغزآچارلارینگ أهلی عمومی مانیسی و جبیسلشدیریجی اؤزبۇلوشلیلیغی مسلمان حالقلاریندا دا اؤزۆنی گؤرکِزیأر. مسلمان حالقلار قۇنگشولاری، مسلمان بۇلمادیق آداملار بیلن آغزآچارینی بؤلۆشیأر. بو أهلی عمومی یۆزلِنمه لری کأبیر دؤولتلر هم برجای ادیأرلر. آق تامدا و کأبیر گۆن باتار یورتلاریندا هر ییل آغزآچارلار بریلیأر.
اۇرازا شیله ده تۆرکیه ده جمغیتچیلیک قورامالاری نینگ یوردونگ ایچینده داشیندا اینگ کؤپ کؤمِک بریأن، بۆتین دۆنیأدن یتیملری، هۇسسارلاری، کؤمِگه مأتأچ بۇلان آداملاری بگندیریأن آیلاریندان بیری. باش پیتره، صاداقا، زکات و میله تین کؤمِکلر بیلن کؤمِگه مأتأچ آداملارینگ ایسله گی نینگ قاناغاتلاندیریلماغی دینگه بیر یاغشیلیق هم ده میله تینلیک ایشی دأل. شۇل کؤمِکلر خیر حسناتلار آداملارینگ یۇقلوق، یتر یتمهزچیلیکلر سبأپلی جنایاتچیلیقلی ایشلره یا دا ترورا باش قۇشماغی نینگ اؤنگۆنی آلیپ دۆنیأ پاراحاتچیلیغینا اؤرأن مؤهۆم قۇشانتدیر. تۆرکیه اینگ بای یورت بۇلماندیغینا قارامازدان اینگ کؤپ کؤمِک یتیریأن یورت اۇزبولوشلیلیغی بیلن آسودالیغا و پاراحاتچیلیغا قۇشانت قۇشیار.
حاساباتلار هم اۇرازا آییندا جنایات ایشلِنمه موقداری نینگ آزالیاندیغینی گؤرکِزیأر.
حاطیرالاماغینگ، جبیسلیگینگ و بارلیشدیرماغینگ آیی
رمضان تۆرکیه ده ترینگ یاغدایدا دویولیان آی. آغزآچارلار، سلأرلیکلر، تراویح نامازلاری، قدر گیجه سی و شۇل گیجه ده گچیریلیأن چأره لر، چاقیلیقلار، شۆوهلِنگلر، سلأرلیک دأپ دسسورلاری، ناقیللار... شۇل چأره لر أهلی جمغیتی جبیسلشدیریجی اۇبولوشلیلیغا ایه. اۇرازا آییندا گچیریلیأن چأره لر هیچ کیمی چتده قۇیمایار. بلکم میللتیمیزینگ آداملاری چتلشدیرمأن اؤزبۇلوشلیغینی عمله گتیرن سایلاما میللتلردن بیری بۇلماغی نینگ سبأپ شۇندان گلیپ چیقیاندیر.
رمضان حاطیرالاماغینگ، جبیسلِشمه گینگ و بارلیشماغینگ آییدیر. شیله حاطیرالاما ولین، دینگه بیر یاشایانلارینگ دأل، شۇل بیر واغتدا دۆنیأدن اؤتِنلرینگ قبورلاری نینگ زیارات ادیلیأن آیی. قبورلارا زیارات اؤلِنلردن کؤپ بلکی یاشایانلارا کؤپ زات بریأندیر. شاهیر سزائی قاراقۇچ ینگ آیدیشی یالی "قبورلاردان بیگهلیأن باهاری" باشدان گچیردر بیزه. شۇل زایاراتلار دۆنیأ دورموشی نینگ پانیلیغینی یاتلادیپ، عألمدأکی اۇنتولوژیک یاغداییمیزی قادالاشدیریاندیر. ایچیندن چیقمایان اولی قینچیلیقلار، مسئله لر، یۆز اؤوۆرلمهسیز قابول ادیأن زاتلاریمیز، ایزیندان ایلغایان انچمه زاتلاریمیز شیله عاداتیلاشار ولین... قۇنامچیلیق زیاراتلاریمیز قاراییشیمیزی، توتومیمیزی هر گِزه گینده دۆزهدِر.
اورازا آیی شۇل بیر واغتدا اؤیکهلیکلرینگ یاراشیان، کینه لرینگ اونودیلیان بارلیشیق آییدیر. قۇنگشولارینگ، قارینداشلارینگ، دۇست یارلارینگ گؤرۆلیأن آیی. بایراملاشمالار، بایرامچیلیق گِزهلِنچلری دؤوره باپ آدامینگ یالنگیزلیغینی، دۇستلوغا، صؤحبِده بۇلان حسرتینی دینگدیریأر. تۆرکیه ده نأحیللی قۇوی حاساباتلاردان بیرینه گؤرأ آداملار بایراملاردا ۸۴ گؤتریمینده دۇغان قارینداشلاری بیلن دوشوشیارلار.
سؤزلریمی بیر تِکلیپ بیلن تاماملاماقچی: اۇرازا آیی دؤوره باپ آدامی زینجیرلاریندان حالاص ادیأن، اۇنی ارکینشدیریأن، داش تؤوره گینه، جمغیته، بیله کی جاندارلارا، طبیغاتا بۇلان اۆنسۆنی آرتدیریان برکدی، آسودالیغا و دۆنیأ پاراحاتچیلیغینا قۇشیان قۇشاندی بیلن یونسکونینگ دۆنیأنینگ مدنی میراثینا گیریزیلمه لی آیلاریندان بیری. یا دا دۆنیأ پاراحاتچیلیغینا قۇشان بایراقلاری، آداملاردان یا دا قورامالاردان باشغا بیرینه بریلمه لی بۇلسا، اۇنونگ اینگ میناسیپ دالاشگأری رمضان آییدیر.
اۇرازا بایرامینگیز قوتلی بۇلسون.
آنکارا ییلدیریم بیازیت بیلیم یوردونینگ سیاسی عیلیملار فاکولتهتی نینگ باشلیغی پروفسور قدرت بلبل ینگ یازغیسینی اۇقادینگیز
دِگیشلی حابارلار
گۆرجیستان ینگ باش وزیری تۆرکیه ده
گۆرجیستان ینگ باش وزیری ایراکلی کوباخیدزه رسمی ساپار بیلن تۆرکیأ گلدی
بیر هپده ده 47 ترورچی تأثیرسیز یاغدایا گتیریلدی
2024-نجی ییلدا 1-نجی یانواردان بأری تأثیرسیز یاغدایا گتیرلن ترورچیلارینگ سانی 1000 سانینا یتدی