چاووش اوُغلی نیجرده

تۆرکیأنینگ داشاری ایشلر وزیری مولود چاووش اوُغلی نیجرده ساپاردا بوُلیار.

چاووش اوُغلی پایتاغت نیامی ده گچیریلیأن اسلام حیذماتداشلیق قوراماسی نینگ 47-نجی داشاری ایشلر وزیرلری ماصلاحاتی نینگ آسیا توُپای آدیندان چیقیش اتدی.

چاووش اوُغلی برن بیاناتیندا ایلایتا دا اوروپادا اسلاما قارشی دوشمانچیلیغینگ یوُقارلایاندیغینی نیغتادی و

"قینانیاریس چۆنکی بو دوشمانچیلیق آزالمایار. اسلاموفوبی و اتنیک پارازلیغینگ دۆیبی، بوُسغونلارا قارشی سؤزلر بیلن توتولیار. اِمما مونگا قارامازدان مسلمانلار شوُل یورتلارا بأحبیت یتیرمأگه دوُوام ادیأر. میثالی بوُلسا آلمانیادا یاشایان ایکی تۆرک تاراپیندان کووید واکسنینی طایارلاماق" دیدی.

اوروپادا گؤزیتیملی بیر یوُلباشچی نینگ بوُلماندیغینی و ترسینه بیرنأچه سی نینگ موقاددس اسلام دینینه تهمت آتیاندیغینی آیدان چاووش اوُغلی،

"ترورچیلیق بیلن گؤره ش باهاناسی بیلن گۆن باتارداقی میلیونلارچا مسلمان ینگ آسودالیغینی و دورنوقلیلیغینی حوُوپا آتیارلار"دیدی.

تۆرک وزیر، پأکیستان تاراپیندان 15 مارت ینگ "حالقارا اسلاموفوبی بیلن گؤره ش گۆنی" دییپ آتلاندیریلماغی باراسینداقی تکلیبی ده قوُلدایاندیقلارینی آیتدی.

چاووش اوُغلی اویغورلار، روهینگیالیلار، قبرس ینگ تۆرکلری و یونان داقی مسلمان توُپارلار، جامو و کشمیردأکی مسلمانلار و اوروپاداقی مسلمانلارینگ اساسی حاقلاری و آزاتلیقلاری نینگ سسی بولجاقدیقلارینی نیغتادی.

مولود چاووش اوُغلی آفریقانینگ ساحل بؤلگه سینده پاراحاتچیلیق و آسودالیغینگ برجای ادیلمه گی باراسیندا دا بیانات بردی.