توساش ینگ اؤنۆملری مالزیانینگ مطبوغاتیندا

تۆرکیأنینگ قوُرانماق صناغاتی نینگ اۆستۆنلیکلری مالزیانینگ مطبوغاتیندا یانگلاندی.

مالزیانینگ رسمی حابار آژانسی برناما، تۆرک هوُواچیلیق عألم صناغات شرکتی توساش ینگ اؤنۆمچیلیگی و داشاری یورتلاردا آچان شعبه لری بارادا حابار طایارلادی.

حاباردا توساش ینگ 2028-نجی ییلا چنلی دۆنیأنینگ اینگ اولی 10 قوُرانماق شرکتیندن بیری بوُلماق اۆچین ایش آلیپ باریاندیغی یازیلدی.

توساش ینگ اوچارمانسیز اوچار سیستملری نینگ مالزیا و اندونزیادا اؤرأن حالانیاندیغینا اۆنس چکیلدی.

مالزیانینگ حابار سِریشده سی بو اوچارلارینگ تۆرکیأنینگ یرلی اؤنۆمی و یرلی تاسلاماسی بوُلاندیغی و تۆرکیأنینگ اؤزۆنده یاسالیاندیغینی بیلدیردی.

برناما توساش ینگ باشلیغی تمل کوتیل بیلن ده گۆررۆنگدش بوُلدی.

تمل کوتیل توساش ینگ اۆستۆنلیکلریندن بیری نینگ قاآن میللی ساواش اوچارینی اؤندۆرمه ک بوُلاندیغینی آیتدی.

کوتیل، تۆرکیأنینگ 5-نجی نسیل ساواش اوچارینی اؤندۆرمه ک اۆچین یترلیکلی تکنولوژیا ایه دیگینه اۆنس چکدی و قاآن پروژه سی نینگ 2023-نجی ییلینگ آحیرینا چنلی طایار بوُلجاقدیغینی بیلدیردی.