أردوُغان یر تیتره مه سی نینگ بیرینجی ییلیندا قاهرامان ماراش دا

تۆرکیأنینگ جمهورباشلیغی رجب طیب أردوُغان 2023-نجی ییلدا 6-نجی فورال دا بوُلان و عاصرینگ پاجیغاسی دییپ بیلینیأن یر تیتره مه سیندن عاصرینگ جبیسلیگی بیلن چیقاندیقلارینی آیتدی.

أردوُغان قاهرامان ماراش دا یر تیتره مه سینده ضلل گؤرِنلرینگ تأزه اؤیلری نینگ آچارینی بردی و دابارادا چیقیش اتدی.

تۆرک یوُلباشچی، مرکزی قاهرامان ماراش بوُلان بو یر تیتره مه سی نینگ انسانلیق تاریحی نینگ اینگ گۆیچلی بدباغتچیلیقلاریندان بیری بوُلاندیغینا اۆچنس چکدی.

"میللتلری میللت ادن زاتلاردان بیری سؤیۆنچلری پایلاشیپ کؤپه‌لتمِه‌ک بیلن بیله لیکده، قینچیلیقلاردا بیر یۆره‌ک بوُلوپ باشغالاری نینگ قینانجینی ینگیللِتمه‌کدیر" دیه ن أردوُغان،

"کؤپ شۆکۆر، میللتیمیز 6-نجی فورال داقی یر تیتره مه سینده سیناغینی اۆستۆنلیکلی یاغدایدا گچیردی. عاصرینگ پاجیغاسیندان عاصرینگ جبیسلیگی بیلن چیقماغی باشاردیق. 14 میلیونا قوُلای آداما تأثیر یتیرن، 11 ولایاتیمیزینگ 124 شهرینده 7 مۆنگ مجله و اوُبادا آغیر زیانا سبأپ بوُلان بو پاجیغادا بیزینگ یالی گۆیچلی دوروپ بیلجک آز اۆلکه باردیر" دیدی.

دۆنیأنینگ اینگ اؤسِن یورتلاریندا دا شونگا منگزه ش پاجیغالاردا نأچه ییل چأره سیز قالینیاندیغینی آیدان أردوُغان،

"بیز یر تیتره مه سی نینگ بیرینجی ییلیندا ییقیلان یرلری ییغنادیق، شهرلرینگ تأزه دن دیکه دیلمه گی بیلن باغلانشیقلی اولی ایشلر آلیپ باردیق، انسانلاری یانگاداندان یاشاییشا قوُوشورماغی باشاردیق" دیدی.

أردوُغان "ماقصادیمیز شو ییلینگ آحیرینا چنلی 200 مۆنگ اؤیی ایه لرینه قوُوشورماقدیر. سوُنگرا بوُلسا بو سانی چالت یاغدایدا 390 مۆنگه یتیرریس" دیدی.