أردوُغان امارات و مصردا ساپاردا بوُلار

تۆرکیأنینگ جمهورباشلیغی رجب طیب أردوُغان شو گۆن و ارتیر بیرلشن عاراپ امیرلیکلرینده ساپاردا بوُلار.

تۆرک یوُلباشچی 14-نجی فورال گۆنی ده مصردا رسمی ساپاردا بوُلار.

أردوُغان دوبی ده گچیریلجک "گلجگین حؤکۆمتلرینی قورجاقلار" آدلی دۆنیأ حؤکۆمتلری نینگ ماصلاحاتینا حوُرماتلی میهمان حؤکمۆنده قاتناشار. بو ماصلاحات 13-نجی فورال دا گچیرلر.

تۆرکیأنینگ جمهورباشلیغی بیرلشن عاراپ امیرلیکلری نینگ باشلیغی شیخ محمد بن زاید آل نهیان بیلن اؤزآرا دوشوشیق گچیرر.

أردوُغان ینگ ماصلاحاتا قاتناشان بیله کی یوُلباشچیلار بیلن ده دوشوشماغینا قاراشیلیار.

تۆرکیأنینگ جمهورباشلیغی سوُنگرا بوُلسا مصرینگ پایتاغتی قاهره ده رسمی ساپاردا بوُلار.

بو ساپاردا ایکی یوردونگ آراقاتناشیغی و غزه مسئله سی حاقیندا گنگِه‌شیلر.