أردوُغان: مصر تۆرکیه بیلن اوُرتاق تاریح و مدنیته ایه‌دیر

تۆرکیأنینگ جمهورباشلیغی رجب طیب أردوُغان مصر بیلن تۆرکیأنینگ مۆنگ ییلدان کؤپ یاقین گچمیشی بیلن اوُرتاق بیر تاریح و مدنیته ایه بوُلاندیغینی آیتدی.

أردوُغان مصرداقی رسمی ساپاریندا اِگیندِشی عبدالفتاح السیسی بیلن اؤزآرا و توُپارآرا دوشوشیغیندان سوُنگرا اوُرتاق مطبوغات کنفرانسینا قاتناشدی.

"تۆرکیه بیلن مصر بو دۆیپلی اوُرتاق میراثدان آلان گۆیجی بیلن قاتناشیقلارینی بوُلمالیدیغی گِره‌ک بوُلان یره یتیرمه ک ایسله یأر" دیه ن تۆرک یوُلباشچی "حوُرماتلی دوُغانیم، گنگه ش ماصلاحاتینی گچیرمه ک ماقصادی بیلن بیرینجی پورصاتدا سیزه آنکارادا قاراشیاندیغیمی آیتدیم. بو ساپارینگ اؤزآرا قاتناشیقلاریمیزدا تأزه بیر صاحیپانینگ باشلانغیجی بوُلجاقدیغینا اینانیارین. سؤودا و ایقدیصادیه ت حیذماتداشلیغیمیزینگ ایترگیسی بوُلیار. شو گۆنکی گنگِه‌شیمیزده سؤودا موقداری نینگ قیسغا واغتدا 15 میلیارد دلارا چیقاریلماغی اۆچین ایلالاشدیق. 3 میلیارد دلارا قوُلایلان مایاقوُیوملاریمیزینگ مؤچبرینی ده یوُقارلاتماق بیلن باغلانشیقلی توتان یرلی توتوما ایه دیرس. دوشوشیقلاریمیزدا بو مسئله بیلن باغلانشیقلی قوُشماچا أدیملرینگ أدیلمه گی اۆچین بیر قاراییشا ایه‌دیگیمیزی گؤردۆک. ال ان جی، اتمی و تأزه له نیپ بیلن انرژی پوداغیندا حیذماتداشلیغیمیزی اؤسدۆرمه ک اۆچین بار بوُلان مۆمکینچیلیکلره ده قارایاریس" دیدی.

تۆرکیأنینگ جمهورباشلیغی، مصر بیلن سیاحاتچیلیق، ساپاق بریش و مدنیت پوداقلاریندا دا شو واغتقی قاتناشیقلاری موندان دا گۆیچلندیرمه ک اۆچین تاغاللا اتجکدیکلرینی آیتدی.

قاهره دأکی یونس امره انستیتوسی نینگ دۆنیأده تۆرکچه کلاسلارینا اینگ کؤپ قیزیقلانما گؤرکِزیلن مرکزی بوُلاندیغینی یاتلادان أردوُغان، اؤتن ییل 22 مۆنگ مصرلی اوُقووچی نینگ تۆرکچه اؤورِنمه‌ک اۆچین آدینی یازدیراندیغینا بویسانچ بیلدیردی.