أردوُغان: قاآن اوچاریمیز 2028-نجی ییلدا هوُوا گۆیچلرینه تاپشیرلار

تۆرکیأنینگ جمهورباشلیغی رجب طیب أردوُغان یرلی و میللی مۆمکینچیلیکلر بیلن اؤندۆریلیأن 5-نجی نسیل ساواش اوچاری قاآن-ی 2028-نجی ییلینگ آحیرینا چنلی هوُوا گۆیچلرینه تاپشیرماغی ماقصات ادیأندیکلرینی آیتدی.

تۆرکیأنینگ جمهورباشلیغی و عادالات و اؤسۆش حزبی نینگ (آق پارتی نینگ) باشلیغی رجب طیب أردوُغان دنیزلی ده حزبی نینگ تاراپیندان گچیریلیأن میتینگینده بیانات بردی.

سوُنگقی ییللاردا قوُرانماق صناغاتیندا اولی أدیملر أدیلندیگینی آیدان أردوُغان،

"بۆتین پأسگِللره و گیزلین و آچیق چأکلندیرمه‌لره قارامازدان بو پوداقدا اؤزۆمیزی ایزی گیدرلی یاغدایدا اؤسدۆریأریس" دیدی.

ترورچیلیق بیلن گؤره شده اولانیلان یاراغلارینگ دا کؤپۆسینی داشاری یورتلاردان آلان اۆلکه گؤرنۆشیندن چیقاندیقلارینی یاتلادان أردوُغان،

"ایندی أتیأجیمیز بوُلان یارقلارینگ هممه سینی اؤز مۆمکینچیلیکلریمیز بیلن اؤندۆریأریس. مونونگ بیلن یتینمه یأریس، دوُست و دوُغان یورتلارا دا بو یاراغلاردان بریأریس" دیدی.

5-نجی نسیل ساواش اوچاری قاآن-ینگ ایلکینجی گِزه ک اۆستۆنلیکلی یاغدایدا اوچاندیغینی آیدان أردوُغان،

"2028-نجی ییلینگ آحیریندا قاآن -ی هوُوا گۆیچلرینه تاپشیرماق ایسله یأریس" دیدی.