أردوُغان: گۆیچلی زنانا گۆیچلی ماشغالا و گۆیچلی تۆرکیه دیمه‌کدیر

تۆرکیأنینگ جمهورباشلیغی رجب طیب أردوُغان تۆرکیه عاصری نینگ طایارلیقلارینی گۆیچلی زنانا، گۆیچلی ماشغالا و گۆیچلی تۆرکیه دییپ دوُوام اتدیریأندیکلرینی آیتدی.

أردوُغان ایستامبول دا تۆرکیه بیلن گۆیچله‌نِن، تۆرکیأ گۆیچ برن زنانالار آدینداقی دابارادا بیانات بردی.

تۆرک یوُلباشچی تۆرکیه دأکی و دۆنیأدأکی بۆتین زنانالارینگ زنانالار گۆنۆنی قوتلادی.

8-نجی مارت ینگ پاراحاتچیلیغا، دوُستلوغا، دوُغانلیغا و جبیسلیگه وسیله بوُلماغینی آرزوو ادن أردوُغان "دینگه 8-نجی مارت دأل، ییلینگ قالان 364 گۆنی ده اساسان زنانالارینگ گۆنۆدیر. شیله ده بوُلمالیدیر. تۆرکیه عاصری نینگ طایارلیقلارینی گۆیچلی زنانا، گۆیچلی ماشغالا و گۆیچلی تۆرکیه دییپ دوُوام اتدیریأریس" دیدی.

گۆیچلی ماشغالانینگ دینگه میللت و دؤولت حؤکمۆنده یوردونگ دوُوامینی دأل، شوُل بیر واغتدا یوردونگ گلجگینی ده گارانتی ادیأندیگینی آیدان تۆرکیأنینگ جمهورباشلیغی، ماشغالانی زنانادان آییران، زنانانی ماشغالا ترس دۆشۆرن، زنانا و ماشغالانینگ آراسیندا دیوار اؤرن هر حیللی قاراییشا قارشی بوُلاندیقلارینی بیلدیردی.

تۆرکیه ده قارار برمه ک مکانیزمیندا زنانالارینگ وکیللری نینگ سانی نینگ 4-5 اِسسه یوُقارلاندیغینی یاتلادان أردوُغان ایش و استخدام مسئله سینده ده ایشله یأن زنانالارینگ 6 میلیون دان 10.5 میلیونا یتندیگینی سؤزلرینه قوُشدی.