تۆرکیه پ. ک. ک بیلن باغلانشیقلی بلژیگه بینجالیقلیق بیلدیردی

تۆرکیه بلژیک دأکی آیرالیقچی ترور قوراماسی پ. ک. ک نینگ قال‌ماغالی سبأپلی بینجالیقلیق بیلدیردی.

تۆرکیأنینگ داشاری ایشلر وزیرلیگی بلژیگینگ لوون شهرینده 24-نجی مارت دا اۆیشن آیرالیقچی ترور قوراماسی پ. ک. ک نینگ باش بوُزارلاری نینگ هوسدن- زولدر و هواتوالن شهرلرینده یاشایان تۆرک یاشاییجیلاری نیشان آلان هۆجۆملری قوراندیقلارینی بیلدیردی.

بو هۆجۆملرده ییتگی چکیلمأندیگینی اِمما بیرنأچه تۆرک یورتداشی نینگ یارالاناندیغینی بیلدیرن وزیرلیک "بو واقالار بیلن باغلانشیقلی اینگ قیسغا واغتدا آنکارادا بلژیک ماقاملاری بیلن باغلانشیق قورولاندیر. حوُرماتلی وزیریمیز شوُل گیجه بلژیگینگ داشاری ایشلر وزیری خدیجه لهیب بیلن تلفن آرقالی دوشوشدی. بلژیک دأکی دیپلماتیک وکیللریمیز دارتغینلیق بوُلان یرلرده یورتداشلاریمیز بیلن دوشوشدی.

بلژیک دأکی جمغیتیمیزینگ پایحاسلی توتومی و بلژیک پلیسی نینگ تأثیرلی ایشلری نتیجه سینده واقالار اولالماغیندان اوُزال یاتیریلدی. هۆجۆمچیلر حاقیندا یرلی ماقاملار درنگِو ایشینه باشلادی. بو واقالار پ. ک. ک ترور قوراماسی نینگ گۆن باتار اوروپادا عمومی پاراحاتچیلیق و عمومی دۆزگۆن- ترتیبی تهدیت ادیأندیگینی ینه بیر گِزه ک گؤرکِزدی. واقالارینگ یاقیندان ایزارلایاریس" دییپ بیلدیردی.