أردوُغان: تۆرکیه غزأ 45 مۆنگ تن انسانی کؤمِک ایبردی
أردوُغان تۆرکیأنینگ غزه و فلسطین حالقینا قوُلداو برمأگه دوُوام اتجکدیگینی آیتدی
تۆرکیأنینگ جمهورباشلیغی رجب رطیب أردوُغان تۆرکیأنینگ غزه حالقینا 45 مۆنگ تن‌دان کؤپ کؤمِک ایبرندیگینی آیتدی.
تۆرک یوُلباشچی اوُرازا بایرامی نینگ بوُساغاسیندا ویدئو آرقالی برن بیاناتیندا یورتداشلارینگ اوُرازا بایرامینی قوتلادی.
أردوُغان "قین گۆنلرده فلسطین ینگ حالقینا قوُلداو بریأندیگیمیزی گؤرکِزدیک" دیدی و شیله دوُوام اتدی:
"تۆرکیه شو گۆنه چنلی ایبریلن 45 مۆنگ تن دان کؤپ کؤمِگی بیلن بو قین گۆنلرده فلسطین ینگ حالقی نینگ یانیندا بوُلیاندیغینی گؤرکِزدی. ان شاالله موندان سوُنگرا دا غزه ده آقیان قان دوروزیلیانچا و فلسطینلی دوُغانلاریمیز 1967-نجی ییلداقی سرحتلرینگ اساسیندا پایتاغتی گۆن دوُغار قدس بوُلان ارکین فلسطین دؤولتینه قوُوشیانچا فلسطینه قوُلداو برمأگه دوُوام ادریس"
ترورچی قورامالارا قارشی گؤره‌شه ده اۆنس چکن تۆرکیأنینگ جمهورباشلیغی،
"پ. ک. ک سیندان فتؤوسینه و داعشینه، یوردومیزینگ جبیسلیگینه، انسانلاریمیزینگ آسودالیغینا قاصت ادن ترور قورامالارینا دِم آلدیرماریس. ترورچیلیق باتغالیغینی چشمه سیندن قوروتماق بیلن باغلانشیقلی استراتژیمیزا توتان یرلی یاغدایدا دوُوام ادیأریس" دیدی.
