تۆرکیه ایران بیلن ایسرائیل ینگ دارتغینلیغی آزالتماغینی ایسله دی

تۆرکیأنینگ داشاری ایشلر وزیرلیگی ایران بیلن ایسرائیل ینگ آراسینداقی دارتغینلیق بیلن باغلانشیقلی، بؤلگه دأکی دورنوقلیلیغا ضلل برجک گلوبال درجه ده اولی چاقینیشیقلارا سبأپ بوُلجاق بیر اتابینگ اؤنگۆنه گچمه ک اۆچین تاغاللا ادیلمأگه دوُوام ادیلجکدیگینی بیلدیردی.

وزیرلیک یازماچا بیاناتیندا "ایسرائیل ینگ ایران ینگ دمشق دأکی ایلچیحاناسینا ادن و حالقاا حقوغا تِرس بوُلان هۆجۆمی، قایغیلاریمیزینگ دوُغری بوُلاندیغینی گؤرکِزدی. ایران ینگ بو هۆجۆمه قارشیلیق برمه گی و دوُوامیندا بوُلان یاغدایلار، بو واقالارینگ چالت یاغدایدا بؤلگه آرا بیر ساواشا اؤورۆلیپ بیلجکدیگینی ینه بیر گِزه ک گؤرکِزدی" دییپ بیلدیردی.

داشاری ایشلر وزیرلیگی واقانینگ باشلانماغیندان اوُزال ایران و آمریکا بیلن دوشوشیق گچیریلیپ "اعتدالا چاغریش بریلندیگینی" بیلدیردی و دارتغینلیغینگ مؤوجه‌رمه‌گی نینگ اؤنگۆنه گچیلمه گی اۆچین تاغاللالارا دوُوام ادیلجدیگی حابار بیلدی.

ایسرائیل 1-نجی آپریل دا ایران ینگ دمشق دأکی ایلچیحاناسینا هۆجۆم قوروپدی.

ایران بوُلسا بو هۆجۆمینگ اؤز توُپراغینا هۆجۆم بوُلاندیغینی بیلدیریپ کؤپ سانلی اوچارمانسیز اوچار و بالستیک راکت بیلن ایسرائیلا هۆجۆم باشلادیپدی.