أردوُغان یر تیتره مه سی نینگ ضللینی آزالتجاق اؤیلرینگ قورلوشیغینا اۆنس چکدی

تۆرکیأنینگ جمهورباشلیغی رجب طیب أردوُغان یاشاییجیلارینگ 71 گؤتِریمی یر تیتره مه سی ریسکینده یاشایان تۆرکیه اۆچین تأزه دن دیکه دیلیش ایشلری نینگ ایسله‌ندیک یاغدایدا دأل، مجبورلیق بوُلاندیغینی آیتدی.

تۆرک یوُلباشچی أردوُغان پایتاغت آنکارادا آفاد قوراماسی نینگ یوُلباشچیلیغیندا گچیریلن سیل ریسکینی آزالتماق پروتکلی نینگ داباراسینا قاتناشدی.

أردوُغان یر تیتره مه لری، سیل، یر سۆیشمه سی و یانغین یالی طبیغی پاجیغالارینگ اؤنگۆنه گچیلیپ بوُلماجاقدیغینی اِمما ضللی اینگ آزا یتیرمه گینگ مۆمکین بوُلاندیغینی آیتدی.

آق دنگیزینگ یاقاسیندا بوُلان تۆرکیأنینگ بیله کی دنگیزیاقا یورتلار بیلن بیله لیکده اقلیم دارتغینلیقلاریندان اینگ کؤپ تأثیر آلان یورتلاردان بیری بوُلاندیغینی یاتلادان أردوُغان تۆرکیأنینگ سوُنگقی ییلاردا یر تیتره مه سی، سیل، یانغین و یوُقانچ کسللر بیلن گؤره شده اولی سیناغلار بریأندیگینی بیلدیردی.

قاهرامان ماراش باشدا بوُلماق بیلن اؤتن ییلینگ 6-نجی فورالیندا بوُلان یر تیتره مه سینی یاتلادان أردوُغان شو واغتا چنلی 80 مۆنگه قوُلای اؤیی ایه لرینه برندیکلرینی آیتدی و هر آی 10- 15 مۆنگ اؤیی ایه لرینه تاپشیریاندیقلارینی بیلدیردی.

أردوُغان شو ییلینگ آحیرینا چنلی 200 مۆنگ اؤیۆنگ ایه لرینه قوُوشوریلماغی اۆچین ایش آلیپ باریاندیقلارینی آیتدی.

تۆرک یوُلباشچی اؤیلرینگ تأزه دن دیکه دیلمه گی و یر تیتره مه سینده ییقیلماجاق اؤیلری قورماغینگ 71 گؤتریمی یر تیتره مه سینده تأثیر آلیان یرلرده یاشایان تۆرکیأنینگ یاشاییجلاری اۆچین حؤکمأنی بوُلاندیغینی آیتدی.