تۆرک-تۆرکمن قاتناشیقلاری اؤسیأر

تۆرکیه بیلن تۆرکمنیستان‌ینگ آراسینداقی بیله‌لیکدأکی ایقدیصادی توپارینگ ماصلاحاتی آنکارادا گچیریلدی.
ماصلاحاتینگ آچیلیش داباراسینا ایقدیصادیه‌ت وزیری نیهات زیبکچی بیلن تۆرکمنیستان‌ینگ وزیرلر کابینه‌سی‌نینگ باشلیغی‌نینگ اۇرونباساری پالوان تاغانوف هم قاتناشدی.
تۆرکیأنینگ ایقدیصادیه‌ت وزیری نیهات زیبکچی ماصلاحاتدا سؤزلأن سؤزۆنده ایکی یوردونگ آراسینداقی قاتناشیقلارینگ دینگه دیپلماتیک قاتناشیقلار بیلن چأکلی بولماندیغینی آیتدی.
ایکی یوردونگ عمومی دیل، دین، مدنیته وِ تاریحا اِیه‌دیگینی آیدان زیبکچی یورتلارینگ آراسینداقی سؤودا قاتناشیقلاری‌نینگ اؤنگۆندأکی بؤکدِنچلیکلرینگ اورتا‌دان آیریلماغی‌نینگ مؤهۆمدیگینی بللِه‌دی.
ایقدیصادیه‌ت وزیری نیهات زیبکچی تۆرکمنیستان‌ینگ حالقارا حیذماتداشلیغا آچیق یورت حؤکمۆنده سبیتینگ (بؤلگأنینگ- منطقأنینگ) پارلایان ییلدیزی بولماق اۆچین آیغیتلی أدیملر بیلن اؤنگه باریاندیغینی نیغتادی.
تۆرکمنیستان‌ینگ وزیرلر کابینه‌سی‌نینگ باشلیغی‌نینگ اورونباساری پألوان تاغانوف آنکارادا اؤزلرینی مأهیرلی قارشیلاندیقلارینی سبأپلی وزیر زیبکچأ مینّتدارلیغینی بیلدیردی.
تۆرکمنیستان‌ینگ جمهورباشلیغی قوربان‌قولی بردی محمدووینگ تۆرکیأ قوراجاق رسمی ساپاری‌نینگ ایکی یوردونگ آراسینداقی قاتناشیقلارینگ أهلی تاراپلایین اؤسدۆریلمه‌گینه اولی قۇشانت قوشجاقدیغینا اینانیاندیغینی آیدان تاغانوف "تۆرکمنیستان تۆرکیه بیلن ادیأن قاتناشیقلاری‌نینگ اؤسدۆریلمه‌گینه اولی أهمیت بریأر" دییپ بللِه‌دی.