زیبکچی: دگأر قیمماتلارینی بیلن یاقیندان قیزیقلانیاریس
تۆرکیأنینگ ایقدیصادیه‌ت وزیری، ۲۰۱۵-نجی ییلینگ گؤرکزیجیلری بویونچا تۆرکیأنینگ آلاداسی‌نینگ یۇقدوغینی گۆررۆنگ بردی
تۆرکیأنینگ ایقدیصادیه‌ت وزیری نیهات زیبکچی دگأر (ارز) قیمماتلاری بیلن یاقیندان قیزیقلانیاندیقلارینی آیتدی وِ "یتیلن سپگیت داشاری سؤودا دنگ‌آغراملیغی تایدان بیزینگ اۆچین قاناغاتلاندیریجی" دیدی.
نیهات زیبکچی تۆرکیأنینگ پۇتراتچیلار (مقاطعه‌چیلر) بیله‌له‌شیگی‌نینگ "پوداقلایین سِلجریش ماصلاحاتیندا" سؤزلأن سؤزۆنده گۆمرۆک بیله‌له‌شیگی شرطناماسی‌نینگ اساسی تاراپلاریندان بیرینه اۆنسی چکدی.
وزیر زیبکچی "آمریکا بیلن اوروپا بیله‌له‌شیگی ترانس‌آتلانتیک سؤودا وِ مایا قۇیوم شرطناماسینا قۇل چکیشنده بیز هم شونونگ چأگینده اورون آلمالی. تۆرکیه شول شرطناما‌نینگ چأگینده بولماسا بیزینگ اوروپا بیله‌له‌شیگی بیلن گۆمرۆک بیله‌له‌شیگی شرطناماسینی دۇوام اتدیرمه‌گیمیز مۆمکین بولماز. چۆنکی آمریکا، اوروپا بیله‌له‌شیگی بیلن قۇل چکیشن شرطناماسی بیلن تۆرکیه هم اوروپا بیله‌له‌شیگی‌نینگ ایه بولان حاقلاری‌نینگ أهلیسینه ایه بولار" دیدی.
ایقدیصادیه‌ت وزیری زیبکچی دگأر کورسلاری‌نینگ چأکلری باراسیندا بولسا "دگأر کورسلاری بیلن یاقیندان قیزیقلانیاریس، گؤزِگچیلیک ادیأریس. یتیلن سپگیتده داشاری سؤودا دنگ‌آغراملیغی تایدان بیزینگ اۆچین قاناغاتلاندیریجی" دیدی.
۲۰۱۵-نجی ییلینگ گؤرکزیجیلری بویونچا تۆرکیأنینگ آلاداسی‌نینگ یۇقدوغینی گۆررۆنگ برن زیبکچی، گلجک ییل یوردونگ ۲۰۲۳-نجی ییلا چنلی دؤوۆر اۆچین قۇیلان ماقصاتلارا یتمک اۆچین مؤهۆم باشلانغیچلارینگ ادیلجکدیگینی نیغتادی.
دِگیشلی حابارلار
تۆرکیأ دؤرت آی‌دا 1.5 میلیارد دلار مایا قوُیولدی
مایاقوُیومینگ 25 گؤتریمی هلنددن، 21 گؤتریمی آمریکادان و 12 گؤتریمی آلمانیادان
