أردوُغان: تۆرکیأنینگ داشاساتوو موقداری 255 میلیارد 809 میلیون دلار بوُلدی

تۆرکیأنینگ جمهورباشلیغی رجب طیب أردوُغان 2023-نجی ییلدا تۆرکیأنینگ داشاساتوو (صادرات) موقداری نینگ نأچه بوُلاندیغی بارادا ماغلومات بردی.

أردوُغان تۆرکیأنینگ 2023-نجی ییلدا 255 میلیارد 809 میلیون دلار داشاساتوو موقدارینا یتندیگینی آیتدی.

تۆرک یوُلباشچی "داشاری سیاساتیمیزی تۆرکیه مرکزلی اِمما گلوبال گؤزیتیم بیلن یوُلا قوُیوپ ایزا آصلا قایتماریس" دیدی.

اؤندۆریش، ایشه آلماق و ایقدیصادی اؤسۆشدن یۆز اؤۆرمأن تورم نرخینی یانگاداندان آزالتماغی ماقصات ادیأندیکلرینی آیدان أردوُغان "تورم نرخینی یورتداشلاریمیزینگ گۆنده‌لیک یاشاییشیندان چیقاراریس" دیدی.

"2023 ییلیندا داشاساتوویمیز اؤتن ییلا گؤرأ 0.6 گؤتریم یوُقارلادی و 255 میلیارد 809 میلیون دلارا یتیپ جمهوریت تاریحیمیزینگ رکوردینی قوُیدی" دیه ن أردوُغان ژوئیه، آگوست، اکتبر، نوُیابر و دکابر آیلاری نینگ اینگ یوُقاری داشاساتوو موقدارینا یتیلندیگینی سؤزلرینه قوُشدی.

"2023-نجی ییلینگ اکتبر آیینا چنلی ییللیق حیذمات پوداغینداقی داشاساتوویمیز دا رکورد قوُیدی و 99 میلیارد 254 میلیون دلارا یتدی" دیپ نیغتان أردوُغان، 2002-نجی ییلدا داشاری یورتلارا آیلیق اوُرتاچا 3 میلیارد دلار دلار اؤنۆم ساتان تۆرکیأنینگ ایندی هر آی اوُرتاچا 21.3 میلیارد دلار اؤنۆم ساتیاندیغینی بیلدیردی.

تۆرکیأنینگ جمهورباشلیغی "تۆرک اؤنۆملرینی تانیمایان و ساتیلمایان یری بوُلماسین دییپ ماقصات ادیأریس" دیدی.