أردوُغان: تۆرکیأنی گلجگینگ دۆنیأسینا طایارلادیق
أردوُغان بو أهمیتلی دؤوۆرینگ گۆن ترتیبی نینگ مایاقوُیوم، اؤنۆمچیلیک و بودجه مسئله سینی گۆیچلندیرمه‌ک بوُلاندیغینی دا یاتلاتدی
تۆرکیأنینگ جمهورباشلیغی رجب طیب أردوُغان اردو شهرینده بیانات بردی.
تۆرکیأنینگ عاصری گؤزیتیمی بیلن تۆرکیأنی سیاساتدان ایقدیصادیه‌ته، تکنولوژی دان قوُرانماق صناغاتینا هر پوداقدا گلجگینگ دۆنیأسینه طایارلاندیقلارینی آیدان أردوُغان،
"یوردومیزدا بوُلان بۆتین گۆن ترتیپلری بیزینگ گۆن ترتیپلریمیزدیر. میللتیمیزینگ هر قینچیلیغی نینگ چؤزگۆدینی تاپماق بیزینگ جوُغاپکأرچیلیگیمیزده دیر" دییپ بیلدیردی.
أردوُغان یر تیتره مه سیندن ترورچیلیق بیلن گؤره شه چنلی هر پوداقدا توتان یرلی یاغدایدا ایش آلیپ بارجاقدیقلارینا اۆنس چکدی و اینگ کیچی قینچیلیغا دا روغصات بریلمه جکدیگینی سؤزلرینه قوُشدی.
"قالقینیش پلانیمیزی، مایاقوُیومیمیزی، انسانیمیزینگ و شهرلریمیزینگ هر بیر مسئله سینی یاقیندان ایزارلایاریس" دیه ن تۆرک یوُلباشچی، گلوبال و بؤلگه آرا مسئله لر سبأپلی قین بیر واغتدان گچیلیأندیگینی بیلدیردی.
أردوُغان بو أهمیتلی دؤوۆرینگ گۆن ترتیبی نینگ مایاقوُیوم، اؤنۆمچیلیک و بودجه مسئله سینی گۆیچلندیرمه ک بوُلاندیغینی دا یاتلاتدی.
أردوُغان آصیل ماقصاتلاری نینگ ایقدیصادیه تده چئنلاقای و همیشه لیک بایلیغی یوُقارلاتماغا گؤنۆکن دۆیبۆنگ توتولماغی بوُلاندیغینی آیتدی و شیله دوُوام اتدی:
"تۆرکیأنینگ عاصری گؤزیتیمی بیلن یوردومیزی سیاساتدان ایقدیصادیه ته، تکنولوژی دا قوُرانماق صناغاتینا چنلی هر پوداقدا گلجگینگ دۆنیأسینه طایارلایاریس".
