اؤتن ییل تۆرکیه دن داشاری یورتلارا ۳.۱ میلیارد دلار تأمیزلیک و آراسسالانما اؤنۆملری ساتیلدی

اؤتن ییل تۆرکیأنینگ بزِه‌گ، تأمیزلیک و آراسسالانما اؤنۆملری نینگ داشاساتوو موقداری 2022-نجی ییلا گؤرأ 8 گؤتِریم (%) یوُقارلادی و 3 میلیارد 148 میلیون دلارا یتدی.

تۆرکیه دن بزه‌گ (آرایشی) اؤنۆملری نینگ داشاساتووی 2023-نجی ییلدا 2022-نجی ییلا گؤرأ 2 گؤتِریم یوُقارلادی و 1 میلیارد 303 میلیون دلارا یتدی.

بو پوداقدا صابون، اؤل اسگی و شامپو یالی اؤنۆملر یر آلیار.

تأمیزلیک اؤنۆملری نینگ داشاساتووی دا 10 گؤتِریم یوُقارلادی و 661 میلیون دلارا یتدی.

آراسسا کاغیذ اؤنۆملری (کاغیذ اِل یالیقلارینگ) داشاساتووی دا 14 گؤتِریم یوُقارلاپ 1 میلیارد 41 میلیون دلاردان 1 میلیارد 184 میلیون دلارا یتدی.

شیله لیک بیلن 2023-نجی ییلدا تۆرکیأنینگ تأمیزلیک، آراسسالانما و بزه‌گ اؤنۆملری نینگ داشاساتووی 3 میلیارد 148 میلیون دلارا یتدی.

اؤتن ییل تۆرکیه بو پوداقدا 150 یوردا اؤنۆم ساتدی.

بو پوداقدا تۆرکیأنینگ اینگ اولی مۆشدِریلری آمریکا، عیراق و روسیا بوُلدی.