تۆرکیأنینگ قوری ایمیش داشاساتووی یوُقارلادی
اۆچ آیدا 124 اۆلکأ 118 مۆنگ 738 تن قوری ایمیش ساتیلدی
تۆرکیأنینگ قوری میوه و قوری ایمیش داشاساتووی 2024-نجی ییلینگ بیرینجی اۆچ آیلیق دؤورۆنده 29.9 گؤتِریم یوُقارلادی.
اۆچ آیدا 124 اۆلکأ 118 مۆنگ 738 تن قوری ایمیش ساتیلدی.
3 آیلیق دؤوۆرده تۆرکیأنینگ قوری ایشمیش پوداغینداقی داشاساتوو موقداری 487 میلیون 639 مۆنگ دلارا یتدی.
اؤتن ییلینگ شوُل دؤورۆنده تۆرکیه داشاری یورتلارا 383 میلیون 124 مۆنگ دلار قوری ایمیش ساتیپدی.
قوری ایمیش داشاساتووی اؤتن ییلینگ 3 آیینا گؤرأ 29.9 گؤتریم یوُقارلادی.
اۆچ آی دا 133 میلیون 284 مۆنگ دلار شأنیکسیز قوری اۆزۆم، 114 میلیون 450 مۆنگ دلار قوری اِریک، 86 میلیون 420 مۆنگ دلار دا قوری اینجیر ساتیلدی.
آنتپ پسته سی نینگ داشاساتووی دا 3 آی دا 74 میلیون 54 مۆنگ دلارا یتدی.
اوروپا یورتلارینا ساتیلان قوری ایمیش 192 میلیون 378 مۆنگ دلارا یتدی.
اینگ کؤپ قوری ایمیش ساتین آلان یورت دا 61 میلیون 596 مۆنگ دلار بیلن آلمانیا بوُلدی.
آمریکا 48 میلیون 402 مۆنگ دلار بیلن ایکینجی، انگلستان 45 میلیون 661 مۆنگ دلار بیلن اۆچۆنجی و فرانسیا 30 میلیون 484 مۆنگ دلار بیلن دؤردۆنجی بوُلدی.
دِگیشلی حابارلار
تۆرکیأنینگ مالیه وزیری قطرده
محمت شیمشک بو فوُروما قاتناشان دۆرلی یورتلارینگ وزیرلری بیلن ده اؤزآرا دوشوشیق گچیرر