تۆرکیه ایسرائیل بیلن تیجارت- سؤودا قاتناشیقلارینی دوُلولیغینا دوردوردی
ایسرائیل ینگ شو واغتا چنلی باشدا 15 مۆنگ چاغا بوُلماق بیلن 35 مۆنگدن کؤپ یؤنه کی فلسطینلینی اؤلدورندیگی بیلدیریلدی
تۆرکیأنینگ سؤودا- تیجارت وزیرلیگی ایسرائیل بیلن سؤودا قاتناشیقلارینی دوُلولیغینا دوردوراندیقلارینی بیلدیردی.
وزیرلیک مسئله بیلن باغلانشیقلی یازماچا بیانات بردی.
سؤودا وزیرلیگی یازماچا بیاناتدا ایسرائیل ینگ 7-نجی اکتبردان بأری فلسطینلیلره هۆجۆم قوریاندیغی و شو واغتا چنلی باشدا 15 مۆنگ چاغا بوُلماق بیلن 35 مۆنگدن کؤپ یؤنه کی فلسطینلی نینگ آرادان چیقاندیغینی بیلدیردی.
تۆرکیأنینگ چاقنیشیقلارینگ دوردوریلماغی، انسانی ییتگی و جایلارینگ ییقیلماغی نینگ اؤنگۆنه گچیلمه گی، همیشه لیک پاراحاتچیلیغینگ یوُلا قوُیولماغی و ایکی دؤولتلی چؤزگۆت ایسله یأندیگینه اۆنس چکیلن بیاناتدا تۆرکیأنینگ شو واغتا چنلی فلسطینلیلره مۆنگلرچه تن انسانی کؤمِک یتیرندیگی یاتلادیلدی.
وزیرلیک ایسرائیل ینگ قیرغینچیلیغینی دوروزماغینی، فلسطینلیلره کؤمِک یتیریلمه گینه پأسگل برمه‌لی‌دألدیگینی بیلدیردی و ایسرائیل غزه بؤلگه سینه اۆزنۆکسیز و یترلیک مؤچبرده انسانی کؤمِک بریلمه گینه روغصات بریأنچأ ایکی یوردونگ ایقدیصادی- تیجاری قاتناشیقلاری نینگ دوروزیلاندیغینی حابار بردی.
