مىسىردا رۇسىيەلىك ساياھەتچىنى ئۆلتۈرگەن لەھەڭ موميالىنىپ كۆرگەزمە قىلىنىدىغان بولدى

تۈركىيە ئاۋازى راديوسى خەۋىرى: مىسىر دېڭىز-ئوكيان پەنلىرى ئىنستىتۇتى ۋە قىزىل دېڭىز زاپاسلىرى تەتقىقات ئىدارىسى دۈشەنبە كۈنى رۇسىيەلىك ساياھەتچىنى ئۆلتۈرگەن لەھەڭنى موميالاشنى باشلىدى.

ئەل ئەرەبىيە تېلېۋىزىيەسىنىڭ خەۋىرىگە ئاساسلانغاندا، موميالاش ئىشلىرى تاماملانغاندىن كېيىن، لەھەڭ مۇزېيدا كۆرگەزمە قىلىنىدىكەن.

رۇسىيەلىك ساياھەتچى ۋلادىمىر پوپوۋنىڭ جەسەت پارچىلىرى لەھەڭنىڭ قارنىدىن تېپىلغان بولۇپ، پوپوۋنىڭ ھۇجۇمغا ئۇچرىغان ۋاقىتلىرىغا دائىر سىنئالغۇ لېنتىسى ئىجتىمائىي تاراتقۇلاردا كۈنتەرتىپكە كەلگەن ئىدى.

قىزىل دېڭىزدا لەھەڭلەرنىڭ سۇ ئۈزگۈچىلەرگە يېقىنلىشىشىنىڭ ئالدىنى ئېلىش ئۈچۈن، بەزى دېڭىز ساھىللىرىغا تور ئورنىتىش پىلانلانماقتا.