Қаз еті (тириди) тағамы

Тіркелу уақыты:  27.12.2011

Түркияның құрылу кезеңінде тарихи маңызы болған Қаратеңіз жағалауындағы Самсун қаласы жергілікті бір тағамға да қонақ жайлық жасауда. Самсун ішкі аймақтық муниципалитеттер одағының өтініші бойынша 2011 жылы Түркияның географиялық белгісі бар өнімдері қатарына енген «Самсун қаз еті тағамы» (тириди), булгур палауы және жұқа нанмен дайындалған бір дәм болып табылады. Дайындалуы шамамен 4 сағатқа жалғасатын «Самсун қаз еті тамағы» қысқы маусымда үйлену тойлары, мерекелер және көптеген адам жиналатын үйлердің таптырмас кешкі асы. Тамаққа арнайы өсірілген және іші тазаланған 2 келіге жуық қаз еті, 1 келі булгур, 30 дана жұқа нан қолданылады. Қазды тазалау, тұздау, пісіру және қызмет көрсету үшін арнайы әдістер қолданылатын ыдысты дайындау шеберлікті қажет етеді. Тазартылған және тұздалған тұтас қазды пісіру үшін үйлердегі от жағатын камин тәрізді ошақтардың үстіндегі ілмектерге мойыннан ілінеді. Қазды барлық жағынан мұқият пісіру үшін оны белгілі мезгілдермен айналдырып отыру керек. Ілулі қаздың астына тамшылап жатқан майды жинау үшін таба немесе науа қойылады. Оттың шоққа айналуының әсерінен қаз әбден пісіп, терісі қытырлақ болады. Ет қатып қалмас үшін астындағы табаға ағып жатқан және «Тирид» деп аталатын майды қасық арқылы қаздың етіне жағып қояды. Осы уақытта басқа пеште дайындалған булгур палауына қаздың майы қосылады. Жұмсақ пісірілген қаз еті кесектерге бөлініп, сүйектері шығарылады және күріш науасына таратылады. Қаздың майына малынған жұқа нанмен қаз еті және булгур палауы ыстық ұсынылады.