Анкарада Наурыз той

Түркі әлемінің төл мерекесі Наурыз мейрамын жандандыру мақсатында Түріксой биыл да  Анкарада түрлі шаралар өткізді.

Түрік халықтарының көне мерекесі Наурыз мейрамы Халықаралық түрік мәдениетінің ұйымы Түріксойдың ұйымдастыруымен Анкара музыка және бейнелеу өнері университетінің, Кечиөрен муниципалитетінің және Президенттік симфониялық оркестрінің концерт залында түрлі концерттермен тойланды.

Түрік әлемі мен Балқан елдерінің 13 елі және аймағынан 250-ден астам өнерпазбен жүзеге асырылған концерттер Анкара халқының жүрегінен жол тапты.

Кечиөрен Калаба Түркі әлемі алаңында және Анкара музыка және бейнелеу өнері университетінде ұйымдастырылған концерттерде Анкараның өнер сүйер қауымы Түріксой халық аспаптар оркестрінің сүйемелдеуімен түркі географиясының әр түкпірінен келген вокалистер орындаған музыкалық шығармаларды тыңдады.  Түрік әлемін Анкара халқымен жақындастырып, көктемнің келуінің символы Наурыз мерекесінің қуанышын бөліскен іс-шараларда Наурыз алауы жағылды. Шара барысында басқа да дәстүрлі Наурыз әдет-ғұрыптары ұмытылмады. Қонақтар  Наурыз отының үстінен секіріп, темір соғып, жұмыртқа қағысып ойнады.

Түріксой ұйымының Наурыз мерекесінің Анкарадағы сатысы Президенттік Симфония оркестрінің залында өткен концертпен аяқталды. Анкарадағы өнер сүйер қауым концерт залын лық толтырды.

Түріксой ұйымының Наурыз мерекесіне арналған концерттері Бурса аймағында жалғасады.