ТМҰ мемлекет басшылары саммиті Самарқанда бас қосады
Саммиттің тақырыбы - «Түрік өркениетінің жаңа дәуірі: Бірлескен даму мен өркендеу жолында»
11 қарашада Өзбекстанның Самарқанд қаласында Түрік Мемлекеттері Ұйымының (ТМҰ) мемлекет басшылары саммиті өтеді.
ТМҰ баспасөз қызметінің хабарлауынша, саммитке Өзбекстан президенті Шавкат Мирзиеев басшылық етеді.
«Түрік өркениетінің жаңа дәуірі: Бірлескен даму мен өркендеу жолында» деген тақырыппен өтетін отырыс ТМҰ күн тәртібін талқылайтын, көшбасшылар бірқатар шешімдер қабылдайтын, түрлі келіссөздер мен ресми кездесулер өткізетін платформа болады. Экономика, сауда, көлік және кеден салаларындағы ТМҰ жобаларына қатысты құжаттар да қаралады.
ТМҰ-ның ең жоғары деңгейлі алаңы болып табылатын Мемлекет басшылары саммитінде көшбасшылар мүше және бақылаушы мемлекеттердің әртүрлі салалардағы ынтымақтастығының негізгі мәселелерін талқылап, аймақтағы және одан тыс жерлердегі саяси және экономикалық оқиғалар туралы пікір алмасады.
Ұйымның төрағалығы Түркиядан Өзбекстанға өтетін саммит бағдарламасының соңында көшбасшылар ТМҰ хатшылығында кейбір тағайындауларды қамтитын бірқатар шешімдер мен Самарқанд декларациясына қол қояды.
ТМҰ Сыртқы істер министрлері кеңесі саммиттің күн тәртібіндегі мәселелер мен мемлекет басшылары қол қоятын құжаттар бойынша қорытынды жұмыстарды орындау үшін ертең Самарқандта бас қосады.
Ұқсас жаңалықтар
Ердоған Қасым-Жомарт Тоқаевпен телефонда сөйлесті
Әңгіме барысында Түркия-Қазақстан қарым-қатынастары, аймақтық және жаһандық мәселелер талқыланды.
Орталық Азия елдері 3 сала бойынша күш біріктіруге шешім қабылдады
Қазақстан Президенті Орталық Азия елдері қауіпсіздік кеңестерінің хатшыларын Ақордада қабылдады.