Инсулинге қарсылыққа қатысты сақтық шаралары және қолдану әдістері

Бұл бағдарламамызда инсулинге қарсылыққа қатысты сақтық шаралары және қолдану әдістерін тілге тиек етеміз.

Инсулинге қарсылық  - кейбір жасушалардың инсулинге жауап беру қабілетін төмендету. Ұйқы безі өндіретін инсулин гормоны жасушалардың қантты сіңіріп, пайдалануына мүмкіндік береді. Инсулинге қарсылығы бар адамдарда жасушалар инсулинді тиімді пайдалана алмайды.

Көптеген адам қан анализін өткізбейінше инсулинге қарсылығы бар екенін байқамайды. Кез-келген адамның қандағы қант деңгейі кейде жоғарылайды. Дегенмен сіздің денеңіздің қандағы қант деңгейі үнемі жоғары болған кезде әдеттегіден көбірек шөлдейсіз, көп зәр шығарасыз, одан көп шаршағаныңызды, көру қабілетінің нашарлағанын және аяқтарыңыздың астындағы қышуды байуыңыз мүмкін.

Инсулинге қарсылықты басқару өмір салтын өзгерту (диета, жаттығу және қант диабетінің алдын алу сияқты) және дәрі-дәрмектер арқылы жүзеге асырылады. Салмақ жоғалту, жаттығу және пайдалы тағамдар жеу сияқты шағын қадамдар инсулинге қарсылықты қалпына келтіруге көмектеседі.

- Диетаны ұйымдастырыңыз

Сіздің диетаңыз инсулинге қарсылықтың ең маңызды анықтаушысы болып табылады. Инсулинге қарсылық мәселесін шешудің жолы - ұйқы безін тым көп қоздыратын тағамдардан аулақ болу. Бұл тағамдарға бал, сірне, джем, пицца, бургер тоқаштары, ақ күріш және макарон кіреді.

Көмірсуларды азырақ жеу, көмірсуларды тұтынуды күні бойы тарату және қанттың төмен тығыздығын таңдау инсулинге сезімталдықты арттырудың негізгі жолы болып табылады.

- Тамақ мезгілін өткізіп алмаңыз

Бір мезгіл тамақты өткізіп алу аз калория және салмақ жоғалту дегенді білдіреді деп ойлауыңыз мүмкін. Бұл инсулин мен қандағы қант деңгейін жоғарылатады немесе төмендетеді. Бұл өз кезегінде іш майының көбеюіне әкелуі мүмкін, бұл сіздің денеңіздің инсулинге қарсы тұру мүмкіндігін арттырады.

- Жаттығу

Зерттеулер күн сайын 35-45 минут жаттығу жасаудың тамаша «қарсылықты бұзу» болып табылатынын көрсетеді. Жаяу  жүрудің әсерінің 48 сағатқа дейін жалғасатынын көрсететін тұжырымдар бар, тіпті күн сайын жаяу жүру мәселені шешуге жеткілікті.

Жеткілікті физикалық белсенділік инсулинге қарсылық пен қант диабетін теңгерімде ұстауға көмектеседі.

Аэробты және қарсылық жаттығуы инсулинге сезімталдықты жақсартуға көмектеседі, бірақ оларды жаттығуларда біріктіру ең тиімді әдіс болып көрінеді.

- Сапалы ұйқы

Ұйқысыздық денсаулығыңызға зиян тигізуі және инсулинге қарсылықты арттыруы мүмкін. Жоғалған ұйқының орнын толтыру ұйқының жетіспеушілігін қалпына келтіруге көмектеседі.

- Стрессті басқару 

Инсулинге қарсылық қаупін арттыратын себептердің бірі - тұрақты күйзеліс. Медитация, жаттығу және ұйқы стрессті азайтуға көмектесетін тамаша әдістер.

- Темекі және темекі өнімдері

Темекі мен темекі өнімдерін міндетті түрде тастау керек.

- Салмақтан бақылау астында арылу

Әсіресе іштің айналасындағы артық салмақ инсулинге сезімталдықты төмендетеді. Салмақ жоғалту инсулинге деген сезімталдықты арттырады және қант диабетінің төмендеу қаупімен байланысты.

- Еритін талшықты тұтыну

Еритін талшықты жеудің денсаулыққа көптеген пайдасы бар және инсулинге сезімталдықтың жоғарылауына қатысты. Сонымен қатар ішек қарындағы дос бактерияларды коректендіруге көмектеседі.

Күніне 50 грамнан астам талшықты жеу қандағы қантты тұрақтандыруға көмектеседі. Еритін талшықтарға бай тағамдарға бұршақ, сұлы жармасы, зығыр тұқымы, Брюссель орамжапырағы, бадам, қара бұршақ, брокколи сияқты көкөністер және апельсин сияқты жемістер жатады.

- Майлы балық жеу

Зерттеулерге қарағанда лосось, сардина, скумбрия, майшабақ және анчоус сияқты майлы балықты тұтыну жоғары сапалы ақуызды қамтамасыз етеді.

Жоғары сапалы ақуыз тұтыну инсулинге қарсылық және инсулин деңгейін төмендетуге көмектеседі. Бұл балықтар сонымен қатар көптеген пайдасы бар ұзын тізбекті омега-3 майларының да ең жақсы көзі болып табылады.

- Түрлі-түсті жемістер мен көкөністер

Түрлі түсті жемістер мен көкөністер инсулинге сезімталдықты жақсартуға көмектесетін өсімдік қосылыстарына бай. Бірақ кейбір жемістерде қант көбірек болғандықтан, бірден көп жеміс-жидек жемеуге тырысыңыз.

- Ақуыздың дұрыс мөлшері мен түрін тұтыну

Тамақтану кезінде жеткілікті ақуыз жеу салмақ пен инсулин деңгейін бақылау үшін пайдалы болуы мүмкін.

- Белгілі уақыттарда ораза ұстау

Белгілі уақыттарда ораза ұстау инсулин деңгейін төмендетуге көмектеседі. Дегенмен тамақтанудың бұл тәсілі баршаға сәйкес келмеуі мүмкін. 

Дайындаған: Дәрігер Мехмет Учар