Жаяу жүрудің денсаулыққа пайдасы

​Бүгінгі тақырыбымыз: Жаяу жүрудің денсаулыққа пайдасы

Науқастың жалпы денсаулық жағдайына сәйкес адамнан адамға өзгерсе де, дені сау адам аптасына 5 күн орта есеппен күніне 30-60 минут жүруге тиісті. Жүйелі серуендеу жүрек-қан тамырлары денсаулығынан психологияға дейін көптеген тақырыпта адам денсаулығына ықпал етеді.

Жаяу жүрудің пайдасы:

• Қан айналымын және қан тамырларының мөлшерін арттыру арқылы ағымын жақсартады.
• Жүрек-тамыр және кейбір цереброваскулярлық аурулардың қаупін азайтады.
• Жүрек бұлшықетіне қоса дене бұлшықеттерін нығайта отырып, одан тиімдірек жұмыс істеуін қамтамасыз етеді.
• Стресс жағдайында қан қысымының көтерілуін азайту арқылы қан қысымын реттейді.
• Лимфа айналымына көмектеседі.
• Зат алмасуды ынталандырады. Ол метаболизм жылдамдығын арттырады, тіпті дем алғанның өзінде салмақ тастауға мүмкіндік береді.
• Буындар мен бұлшықеттердің икемділігін арттыру арқылы арқа мен мойын ауруын жеңілдетеді.
• Cтресті азайтады.
• Тамақтануға деген құштарлықты (тәбетті) бақылауға алуға көмектеседі.
• Энергия береді.
• Қандағы холестерин деңгейін төмендетеді.
• Қант диабетін бақылауға және алдын алуға көмектеседі.
• Сүт безі, қуық асты безі және асқазан-ішек жолдары сияқты қатерлі ісіктің кейбір түрлеріне қарсы тәуекелді азайтады.
• Жүрек қысымы және инсульт сияқты аурулар үшін көмекші реабилитацияны қамтамасыз етеді.
• Ішектің жұмыс істеуін реттейді. Тұрақты серуендеу ас қорыту жүйесін жақсартады. Іш қатуға жақсы әсер етеді және ас қорыту жүйесі ауруларының жиілігін азайтады.
• Ұйқы режимін реттейді.
• Аяқ пен жамбас аймағындағы бұлшықеттерді күшейтеді.
• Сондай-ақ сүйектерді нығайта отырып, остеопороз қаупін азайтады.

Әрбір дені сау адам жүре алады. Алайда бүйрек жеткіліксіздігі бар науқастар, аяғында жарасы барлар және жаңадан ортопедиялық операция жасағандар дәрігердің кеңесінсіз жүрмеуі керек.

Иммундық жүйе күшейеді

Зерттеулер көрсеткендей, қарқындылықтағы тұрақты жаттығулар иммундық жүйені нығайтады, аурудың жиілігін азайтады және ауруды жұқтырған жағдайда оны оңай жеңеді.

Артық салмақтан арылу үшін 5 күн жүріңіз

Зерттеулерге қарағанда аптасына кемінде 5 күн 30-45 минут бойы орташа және жоғары деңгейде жүру артық салмақпен күресуге ықпал етеді. Жаяу жүру қарқындылығы жоғарыласа, апталық жалпы уақытты қысқартуға болады.

10 минут бойы созылу жаттығуларын жасаңыз

Жаяу жүру алдында және кейін аяқтың алдыңғы, артқы және сан бұлшықеттерін созу жаттығуларының әр серуендеуден 5-10 минут бұрын жүйелі түрде жасалуы керек. Бұл қарапайым жаттығулар серуендеу кезінде және одан кейін пайда болуы мүмкін бұлшықет пен буындардың жарақаттарын болдырмауға пайдалы.

Сіздің жүру жолыңыз маңызды

Жаяу жүру кезінде денеңіздің қалпына назар аудару керек. Артқа немесе алға иілмей тік жүру керек. Бұл денеңіздің әрбір бөлігінің серуендеумен бірдей қозғалуын қамтамасыз етеді.

Қолдар да маңызды, өйткені жаяу жүру кезінде күшіңізді арттыру және аяқ қозғалысын тұрақтандыру қолдың міндеті. Қолды сермеу де 5-10 калорияны тастауыңызға көмектеседі.

Қан ағымы тұрақты болуы үшін қолдарыңызды жұдырықпен түймеу керек. Салауатты жүру үшін аяқ пен қолды диагональ бойынша анық бұрыштармен сермеу өте маңызды.

Аяқ пен қолдың диагональ бойынша анық бұрыштармен тербелуі, салауатты бір серуендеудің қажеттілігі.

Аяқ киімді таңдау маңызды

Жарамдылық және табанның жұмсақтығы дұрыс таңдалған спорттық аяқ киімдер өнімділікті арттырады. Икемді табаны бар және серуендеуге жарамды спорттық аяқ киім таңдау керек.

Тым үлкен немесе тар аяқ киімдерден аулақ болу керек. Жалпақ табан мәселесі болса немесе бел, жамбас, тізе, балтыр, табанында ақаулар болса, алдымен дәрігер бақылауынан өтіп, қажет десе аяқ киімнің ішіне салынған ішкі табандықтармен жүру керек.

Мақта және ыңғайлы киімдер таңдаңыз

Жаяу жүру кезінде рахат және қозғалуға ыңғайлы, қыста қабат-қабат, ал жазда жеңіл және ашық түсті киімдер таңдау керек. Сіз міндетті түрде кроссовкамен немесе аяқ киіммен жүруіңіз керек. Міндетті түрде бір спорттық аяқ киім немесе жүгіру аяқ киімімен жүру керек. Тізе және тобық проблемасы болған адамдарда жерге басу бұзылысы бар болса, аяқ киімнің ішіне салынған ішкі табандарды пайдалану пайдалы.

Жаяу жүру метаболикалық терлеуді жоғарылататындықтан, терді сіңіретін мақта киімдер мен терді кетіретін арнайы маталарды таңдау керек.

Тамақтанғаннан кейін кем дегенде 2 сағат жүріңіз

Жаяу серуендеу алдында тым аш немесе тым тоқ болмаңыз. Жаяу жүру ауыр тамақтан кейін кем дегенде 2 сағаттан кейін жасалуы керек. Күрделі көмір суларға бай мәзірді серуендеуден кейін 2 сағат ішінде тұтыну керек.

Әсіресе кедір-бұдыр жерлерде жүру тізе, жамбас және бел проблемасы бар науқастарда шағымдардың артуына әкелуі мүмкін. Басу проблемасы бар науқастарда (ішке қарай басу, сыртқа қарай басу т.б. сияқты) төменгі аяқтың био механикасын реттеп тізе, жамбас және белге көбірек тең жүк бөлінуін қамтамасыз еткен әрбір адамға арнайы жасалатын ішкі табандар пайдалану керек. Жаяу жүру қарқынын ауарайы, жер және жеке адамның жағдайына қарай реттеу адамды ықтимал ортопедиялық жарақаттардан қорғайды.

Қауіпсіз жүруге арналған ұсыныстар

1. Жаяу жүргіншілерге арналған және жарықтандырылған жерлерде жүру,

2. Қараңғыда жүрсеңіз, шағылыстыратын рефлекторы бар киім немесе жарық пайдаланыңыз,

3. Жаяу жүру үшін өте ыстық және ылғалдылығы жоғары уақыттарды таңдамаңыз,

4. Күннің күйіктеріне қарсы шаралар қолданыңыз (крем жағыңыз т.б.),

5. Жаяу жүру кезінде жоғалатын су мөлшерін ескере отырып, сұйықтықты көп тұтыну,

6. Алғашқы бірнеше минутта серуенді төмен қарқынмен бастаңыз және денеңіздің жылынуын қамтамасыз етіңіз, соңында бірнеше минут бойы төмен қарқынмен жүру арқылы денеңізді салқындатыңыз.

Келесі кездескенше сау болыңыздар!