Сұлтан Раев Ошта болды

Ресми сапары аясында Қырғызстанға барған Түріксой Бас хатшысы Сұлтан Раев Ош қаласы әкімінің орынбасары Марс Исаевпен кездесіп, ынтымақтастық мәселелерін талқылады.

Кездесуде тараптар 2022 жылдың қазан айында Ош қаласында өтетін Түріксой-ға мүше елдер ЮНЕСКО Ұлттық комиссиясы президенттерінің форумын ұйымдастыру мәселелерін талқылады.

Түріксой Бас хатшысы Сұлтан Раев кездесуге қатысты мәлімдемесінде «Оштың туристік бренді, бай дәстүрін дамыту қажет, Ош оған лайық. Ұйым ретінде біз қажетті қолдауды көрсетеміз» деді.

Марс Исаев Сұлтан Раевқа көрсеткен қолдауы үшін алғыс айта отырып, Ұлы Жібек жолының басты қалаларының бірі Ош қаласында туризмді дамыту мақсатында атқарылып жатқан жұмыстар мен ынтымақтастыққа риза екенін білдірді.

Кездесуде Түркі әлемінен келетін БАҚ өкілдеріне аймақты таныстырып, Ош қаласының туристік әлеуетін таныстырып, мүмкіндіктері туралы презентация жасау мәселелері қолға алынды.