Жээнбек Кулубаев пен Кубанышбек Өмірәлиев кездесті

Қырғызстан Сыртқы істер министрі Жээнбек Кулубаев Түрік Мемлекеттері Ұйымының Бас хатшысы Кубанышбек Өмірәлиевпен кездесті.

Сыртқы істер министрлігінің жазбаша мәлімдемесіне қарағанда Қулубаев Түрік Мемлекеттері Ұйымының Бас хатшысы Кубанышбек Өмірәлиевпен ұйымның күн тәртібіндегі мәселелерді, соның ішінде ұйымға мүше мемлекет басшыларының шешімдерінің орындалуын талқылады.

Қулубаев ұйымға мүше мемлекеттердің экономика және инвестиция салаларындағы мүдделеріне жауап беретін арнайы жобаларды жүзеге асыруды күшейту қажеттігіне назар аударды.

Қулубаев ұйымның халықаралық аренадағы рөлі мен маңыздылығын арттыруға бағытталған күш-жігерге тоқталып, ұйымның басқа да халықаралық ұйымдар арасындағы ынтымақтастықты орнату және нығайту жөніндегі күш-жігерін оң бағалады.

Түрік Мемлекеттері Ұйымының Бас хатшысы Өмірәлиев министр Қулубаевты ұйымның ағымдағы қызметі, 2023 жылға арналған жұмыс жоспарлары және ұйымға мүше мемлекеттерге жататын институттардың тиімділігін арттыру бойынша жүргізіліп жатқан жұмыстар туралы хабардар етті.

Өмірәлиев Түркия, Әзербайжан, Қазақстан, Қырғызстан және Өзбекстан толық мүше,  Венгрия, Түркіменстан және Солтүстік Кипр Түрік Республикасы бақылаушы мүше болған Түрік Мемлекеттері Ұйымының Бас хатшылығына 11 қарашада тағайындалған болатын.