Тәжікстанда бірнеше ауданда сел жүрді

Тәжікстан президенттігінің мәлімдемесіне қарағанда  кеше толассыз жауған жаңбыр салдарынан Вахдат қаласында 11 адам, Рудаки аймағында 2 адам қаза тапты.

Тәжікстан Республикасының Президенті Эмомали Рахмон қаза болғандардың отбасылары мен жақындарына көңіл айтты.

Президент Эмомали Рахмон елдің премьер-министріне, Төтенше жағдайлар және азаматтық қорғаныс комитетіне және басқа да құрылымдарға табиғи апат салдарынан қаза тапқандардың отбасыларына көмек көрсетуді, сондай-ақ төтенше жағдайдың зардаптарын жою бойынша шұғыл шаралар қабылдауды тапсырды.