Израиль таратқан брошюра палестиналықтардың ашу-ызасын тудырды
Брошюраларда "... Оразаларыңыз қабыл болсын, күнәларыңыз кешіріліп, ауызашар дәмді болсын" деп жазылған.
Израиль армиясы бейбіт тұрғындарға қарсы «қырғындарын» жалғастырып жатқан бір кезеңде ұшақтармен Газа секторына «толеранттылық пен мейірімділікті» насихаттайтын брошюралар тастауы, палестиналықтардың ашу-ызасын тудырып, келеке-мазаққа айналды.
Ұшақтардан Газа секторының аспанынан тасталған брошюраларда «Тамақтандырыңыз және жақсы сөз сөйлесіңіз. Оразаларыңыз қабыл болсын, күнәларыңыз кешіріліп, ауызашар дәмді болсын» деп жазылған.
Брошюралардың астында «Газалықтарға жаңа көкжиектер ашылады» деп жазылған.
Палестиналықтар брошюраларды келеке және ашумен қарсы алса, кейбіреулер болса азаптарына мән берілмеу және өздерін қорлау деп есептеген бұл жағдайды протест ету үшін брошюраларды отқа жағу үшін пайдаланды.
Палестиналықтар Израильдің геноцид соғысын жалғастыруда және барлық халықаралық заңдарды, келісімдерді және конвенцияларды жоқ деп есептеп бейбіт тұрғындарға, әсіресе әйелдер мен балаларға қарсы қасақана қырғындар жасауды жалғастырып отырғанын атап көрсетті.
Израиль 7 қазан күнінен бері халықты аштық және сусыз қалдырған басқыншылық астындағы Газа секторына жасалған шабуылдарда адам шығыны кеше 30 мың 717-ге өскен болатын.
