Газада қаза тапқандар саны 34 мың 904-ке жетті
Соңғы бір тәулікте 60 адам қаза тапты.
Израиль армиясының 7 қазаннан бері Газа секторына жасаған шабуылдарында қаза тапқандар саны 34 мың 904-ке артты.
Газадағы Палестина Денсаулық сақтау министрлігінен жасалған мәлімдемеде Израильдің 216 күннен бері Газа секторына жасаған шабуылдары туралы мәлімет берілді. Мәлімдемеде Израиль армиясының соңғы 24 сағатта Газаның әртүрлі аймақтарына жасаған шабуылында 4 қырғын жасағаны, шабуылдарда тағы 60 палестиналықтың қаза тапқаны және 110 палестиналықтың жараланғаны атап көрсетілді.
Израильдің 7 қазаннан бері Газа секторына жасаған шабуылдарында қаза тапқандар санының 34 мың 904-ке, жараланғандар санының 78 мың 514-ке жеткені білдірілді.
Мәлімдемеде үйінділер астында және жол бойында әлі де өлген адамдардың бар екені, бірақ Израиль күштерінің кедергісі салдарынан медициналық топтар мен азаматтық қорғаныс өкілдерінің мәйіттерге жете алмағаны баса айтылды.
Ұқсас жаңалықтар
Нетаньяху мен Салливан Иерусалимде бас қосты
Тақырыппен байланысты хабар Израиль мемлекеттік телеарнасы «KAN»-да орын алды.
Иран Мемлекет басшысы мінген тікұшақ апатқа ұшырады
Иран мемлекеттік телеарнасы Реисиге қоса Сыртқы істер министрінің де қаза тапқанын жариялады.