Ресейден шығып жатқан компаниялар Қазақстанға көшуде

Ресейден шығып жатқан компаниялар Қазақстанға келуде. Бұл туралы ҚР Сыртқы істер министрінің орынбасары Алмас Айдаров мәлімдеді.

Еуразия аймағындағы геосаяси жағдайға байланысты Ресейден шығатын 43 компания Қазақстанда жаңа өндіріс орындарын ашады немесе бас кеңселерін Қазақстанға көшіреді.

Қазақстан Сыртқы істер министрінің орынбасары Алмас Айдаров аймақтағы геосаяси жағдайға байланысты Ресей нарығынан шығып кеткен, бірақ Орталық Азия нарығынан айрылып қалғысы келмейтін 265 компания анықталып, олармен келіссөздер жүргізілгенін мәлімдеді.

Ол 265 компанияның 43-імен Қазақстанда жаңа өндіріс орындарын ашу немесе бас кеңселерін Қазақстанға көшіру туралы келісімге қол жеткізілгенін мәлімдеді.

Осындай компаниялар саны бойынша Германия бірінші орында. Германиядан кейін АҚШ, Жапония, Италия, Түркия және т.б. елдер келеді.

Аталмыш компаниялар негізінен өндіріс, тамақ өнеркәсібі және IT-информатика салаларында жұмыс істейді.

Алмас Айдаров Қазақстан нарығына шығатын ірі компанияларды қолдайтынын, ал шағын және орта компаниялар Қазақстан нарығына өз күшімен келіп жатқанын мәлімдеді.

Қазақстанда жұмыс істейтін шетелдік компаниялар 2021 жылы шамамен 24 миллиард доллар инвестициялады, бұл өткен жылмен салыстырғанда 38%-ға артық.

Қазіргі таңда Қазақстанға тартылған шетелдік инвестицияның 60 пайыздан астамы шикізат секторына құйылған.