Бүгін Қазақстанда Наурыз мерекесінің 8-ші күні

Қазақстанда жаңа форматта тойлана бастаған Наурыз мейрамы аясында барлық аймақтарда мерекелік іс-шаралар өтуде.

Биылдан бастап Наурыз Қазақстанда жаңа форматта тойлануда. Елде Наурыз мерекесін тойлау 10 күнге дейін ұзартылды.

14-23 наурыз аралығында тойланатын кезең «Наурызнама» деп аталды. Жаңа өзгерістер аясында Наурыз мерекесінің жаңа логотипі жасалды. Қазақстанның барлық өңірлерінде ұлттық киімдерді кеңінен насихаттау мақсатында түрлі іс-шаралар ұйымдастырылуда.

Жаңа формат аясында "Көрісу күні", "Қайырымдылық күні", "Ұлттық дәстүр күні", "Шаңырақ күні", "Ұлттық киім күні", "Жаңару күні", "Ұлттық спорт күні", "Ынтымақ күні", "Жаңа жыл" және "Тазалық күні" мерекелері тойлануда.