Эвакуацияланған адам саны 111 мыңнан асты
11 мыңнан астам адам үйлеріне оралды.
Қазақстан Төтенше жағдайлар министрлігі азаматтық қорғаныс және әскери бөлімдер комитетінің аға офицері Ерасыл Сайпаш тасқын салдарынан үйін тастап шыққан 11 950 адамның баспанасына қайтқанын айтты.
«Су тасқыны басталғаннан бері 111 194 адам, оның ішінде 39 222 бала қауіпсіз жерге жеткізілді. Уақытша орналастыру пунктерінде 6 814 адам, оның ішінде 2 995 бала орналасқан. 11 950 адам үйіне оралды», - деді ол.
Ерасыл Сайпаштың сөзінше, 9 млн 500 мыңнан астам текше метр қар суы сорып шығарылған.
«Сондай-ақ 2 млн 200 мың қап, 1 млн 200 тонна инертті материал төселді. Бүгінгі таңда авариялық құтқару жұмыстарында 33 334 адам, 4 066 техника, оның ішінде 835 су соратын құрал, 275 жүзу құралы, 11 әуе кемесі жұмыс істеп жатыр», - деді ТЖМ өкілі.
Дереккөз - Қазинформ
Ұқсас жаңалықтар
Ердоған Қасым-Жомарт Тоқаевпен телефонда сөйлесті
Әңгіме барысында Түркия-Қазақстан қарым-қатынастары, аймақтық және жаһандық мәселелер талқыланды.
Орталық Азия елдері 3 сала бойынша күш біріктіруге шешім қабылдады
Қазақстан Президенті Орталық Азия елдері қауіпсіздік кеңестерінің хатшыларын Ақордада қабылдады.