Алматыда кездеседі
Джейхун Байрамов пен Арарат Мирзоян 10 мамыр күні Алматыда бейбіт келісім келіссөздері аясында кездеседі.
Әзербайжан Сыртқы істер министрі Джейхун Байрамов пен Армения Сыртқы істер министрі Арарат Мирзоян 10 мамыр күні Алматыда бейбіт келісім келіссөздері аясында кездеседі.
Әзербайжан Сыртқы істер министрлігінің баспасөз хатшысы Айхан Хажызаде «X» әлеуметтік медиа платформасында жасаған мәлімдемесінде «Бұған дейін қол жеткізілген келісімге сәйкес, 2024 жылдың 10 мамырында Алматыда Әзербайжан Сыртқы істер министрі Джейхун Байрамов пен Армения Сыртқы істер министрі Арарат Мирзоян арасында кездесулер өтеді» деді.
Қазақстан президенті Қасым-Жомарт Тоқаев 1 мамырда Әзербайжан мен Армения арасындағы бейбіт келісімді дайындауға қатысты сыртқы істер министрлерінің келіссөздерін өз елінде өткізуге қатысты тараптар қол жеткізген келісімді құптайтынын мәлімдеген еді.
Тоқаев 15 сәуірде Армения астанасы Ереванға ресми сапары барысында Армения мен Әзербайжан арасындағы бейбіт келісімді қолдайтындарын және бұл мәселе бойынша ізгі ниет миссиясын қабылдауға дайын екендіктерін айтқан болатын.
Ұқсас жаңалықтар
Ердоған Қасым-Жомарт Тоқаевпен телефонда сөйлесті
Әңгіме барысында Түркия-Қазақстан қарым-қатынастары, аймақтық және жаһандық мәселелер талқыланды.
Орталық Азия елдері 3 сала бойынша күш біріктіруге шешім қабылдады
Қазақстан Президенті Орталық Азия елдері қауіпсіздік кеңестерінің хатшыларын Ақордада қабылдады.